9 mamyrda elordanyń birneshe kóshesinde kólik qozǵalysyna shekteý qoıylady
NUR-SULTAN. QazAqparat - 9 mamyr - Jeńis kúniniń toılanýyna oraı elordanyń birqatar kóshesinde kólik qozǵalysyna shekteý qoıylady. Bul týraly QazAqparat qalalyq polıtsııa departamentine silteme jasap habarlaıdy.
«9 mamyr kúni Ekinshi dúnıejúzilik soǵystaǵy Jeńis kúnin merekeleýge baılanysty saǵat 09-00-den 15-00-ge deıin kólik qoǵalysyna shekteý qoıylady. Sonymen qatar jaıaý júrginshiler sherýiniń ótýine baılanysty Táýelsizdiń dańǵylynyń Nájımedenov kóshesinen Pýshkın kóshesin deıingi ýchaskesi qoǵamdyq kólikter úshin jabyq bolady», - delingen departament aqparatynda.
Sonymen qatar, Táýelsizdik dańǵylymen japsarlas B.Momyshuly, B.Maılın, Sharl de Gol, Kúıshi Dına, Qajymuqan kóshelerinde de kólik qozǵalysyna shekteý qoıý josparlanǵan. Munan bólek, Amanjolov kóshesi men B.Momyshuly jaǵynan Baıtursynuly kóshesi, Najımedenov kóshesi jaǵynan Táýelsizdik dańǵyly kólik qozǵalysyna jabyq bolady.
