9 mamyrda astanalyqtar Jeńis sherýinde ushqyshtardyń erekshe trıýkterin kórmeýi múmkin

ASTANA. QazAqparat - Astanada Uly Jeńistiń 70 jyldyǵyna arnalǵan áskerı sherýde ushqyshtar áýede 70 sanyn órnektemeıtin boldy. Bul týraly QR Qarýly Kúshteri Bas shtaby basshysynyń orynbasary, general-maıor Músilim Altynbaev málim etti.

General-maıordyń aıtýynsha, bul ázirge tolyq sheshimin tapqan joq, degenmen qaýipsizdik sharalaryna baılanysty onyń oryndalmaýy da bek múmkin.

«70 sanyna keletin bolsaq, aldynda sherýde áýede ondaı trıýk jasaý kózdelgen bolatyn. Biraq túpkilikti sheshim qabyldanǵan joq áli. Bizdiń ushqyshtardyń sheberligi oǵan jetedi. Biraq qaýipsizdik máselesi kúmán uıalatady. Sondyqtan onyń oryndalatyny anyq emes, múmkin ushqyshtar standartty ushýlarmen shekteledi», - dedi ol.

Eske sala keteıik, bunyń aldynda ushqyshtar elorda kóginde 70 sanyn salyp berýge daıyn ekendikterin málim etken bolatyn.