9 mamyr kúni Nur-Sultanda avtobýs júrmeıdi

NUR-SULTAN. QazAqparat - Elordada merekeniń qaı kúni avtobýs júrmeıtini belgili boldy, dep habarlaıdy QazAqparat.

Bul jaıynda qalalyq polıtsııa departamenti málimet taratty.

«Nur-Sultan qalasynda jáne qala mańyna qatynaıtyn baǵdarlardyń qozǵalysy jeksenbi kúni, ıaǵnı 9 mamyrda bir kúnge toqtatylyp, dezınfektsııalyq jumys júrgiziledi» delingen departament habarlamasynda.

Qalǵan mereke kúnderi, ıaǵnı 7, 8 jáne 10 mamyrda elordalyq qoǵamdyq kólik qalypty rejımde jumys isteıdi.⠀

Jolaýshylar maska taǵyp júrýge mindetti, avtobýsqa betperdesiz kirýge bolmaıdy.⠀

Jol aqysy qolma-qol aqshasyz tólenedi: karta kómegimen nemese QR-kod skanerleý/kólik kodyn engizý arqyly.