9 mamyr kúngi aýa raıy boljamy
NUR-SULTAN. QazAqparat – 9 mamyr kúni Qazaqstan aýmaǵynyń basym bóliginde jańbyr kútiledi. Ońtústikte jańbyr qatty jaýatyny boljanady. Respýblıkanyń soltústik jáne shyǵys óńiri áli de antıtsıklon áserinde bolǵandyqtan, jaýyn-shashynsyz aýa raıy saqtalady. Keı jerlerde jeldiń kúsheıýi, naızaǵaı, daýyl kútiledi, burshaq jaýýy yqtımal. Ońtústik-batysta túnde jáne tańerteń tuman bolady, dep habarlaıdy QazAqparat.
«Qazgıdromet» RMK málimetinshe, Túrkistan, Qyzylorda oblystarynyń keı jerlerinde naızaǵaı, daýyl, burshaq kútiledi. 15-20 m/s jyldamdyqta jel soǵady, kúndiz ekpini 23-28 m/s kúsheıedi.
Kúndiz Soltústik Qazaqstan oblysynyń basym bóliginde jel 15-20 m/s artady.
Jambyl, Batys Qazaqstan oblystarynyń keı jerlerinde naızaǵaı oınap, burshaq jaýýy yqtımal, 15-20 m/s jel kútiledi.
Almaty oblysynyń taýly aımaqtarynda naızaǵaı, 15-20 m/s ekpinde jel boljanady.
Mańǵystaý oblysynyń keı jerlerinde naızaǵaı oınap, túnde jáne tańerteń tuman bolady.
Qaraǵandy, kúndiz Aqmola, Atyraý, Qostanaı, Pavlodar oblystarynyń keı jerlerinde jel 15-20 m/s kúsheıedi. Qaraǵandy oblysynda naızaǵaı kútiledi.
