9 mamyr. Kazinform kúntizbesi. Tulǵalar týǵan kún

ESІMDER

63 jyl buryn (1963) Qazaqstan Respýblıkasynyń eńbek sińirgen qaıratkeri Nurbaqyt Ábdiǵalıuly BÓKEBAEV dúnıege keldi.

Almaty oblysy, Shelek aýdanynyń Aşysaı aýylynda týǵan.

1981-1983 jyldary áskerı boryshyn ótegen. 1985-1987 jyldary Respýblıkalyq estrada tsırk stýdııasynyń vokal bólimin aıaqtap, 1987-1991 jyldary Almaty teatr óneri ınstıtýtyn «kıno jáne drama aktery» mamandyǵy boıynsha támamdaǵan.

1991-1992 jyldary Qazaqkontsert birlestiginiń solısi, kontsert júrgizýshisi, ákimshisi bolyp qyzmet atqardy. 1992-1995 jyldary Almaty qalasynda Mádenıet mınıstrliginiń bas mamany, 1995-1998 jyldary J.Elebekov atyndaǵy Respýblıkalyq estrada tsırk kolledjiniń akter bóliminiń meńgerýshisi jáne T.Júrgenov atyndaǵy Kıno jáne óner ınstıtýtynda dáris berdi. 1998-2000 jyldary T. Júrgenov atyndaǵy Kıno jáne óner ınstıtýtynyń prorektory qyzmetin atqardy. 2000-2005 jyldary Almaty qalasy Bostandyq aýdanynyń Іshki saıasat basqarmasynyń basshysy, 2005-2006 jyldary Almaty qalasynyń Іshki saıasat departamentiniń bas eksperti, 2006-2008 jyldary Almaty qalasynyń Kishi Assambleıasynyń tóraǵasy, 2008-2010 jyldary Astana qalasynda Mádenıet mınıstrligi Óner basqarmasynyń basshysy, 2010-2012 jyldary Ǵ.Músirepov atyndaǵy jasóspirimder teatry dırektorynyń birinshi orynbasary, 2012-2015 jyl aralyǵynda Abaı atyndaǵy Qazaq Ulttyq opera jáne balet teatry dırektorynyń birinshi orynbasary, 2016-2022 jyldary Qazaq memlekettik tsırkiniń dırektory qyzmetterin atqardy.

59 jyl buryn (1967) «Altyn Bank» AQ Basqarma tóraǵasy Murat Baısynuly BAISYNOV dúnıege keldi.

Qyzylorda oblysynyń Syrdarııa aýdanynda dúnıege kelgen. S.M. Kırov atyndaǵy Qazaq memlekettik ýnıversıtetin (1990) zańger mamandyǵy boıynsha, Búkilreseılik qarjy-ekonomıkalyq ınstıtýtynyń qarjy-ekonomıka fakýltetin ekonomıst mamandyǵy boıynsha bitirgen (1999).

Eńbek joly: Qyzylorda qalalyq prokýratýrasynda tergeýshi (1990); ál-Farabı atyndaǵy Qazaq memlekettik ýnıversıtetiniń zań fakýltetinde memleket jáne quqyq teorııasy kafedrasynyń assıstenti (1990-1993); Qazaqstan Respýblıkasy Joǵarǵy Keńesiniń zańnama bóliminde aǵa keńesshi (1993); «Olımpııa-Ekspress-Almaty» BK bas dırektorynyń orynbasary (1994-1995); Qazaqstan Respýblıkasy Ulttyq bankiniń zań departamenti dırektorynyń orynbasary (2000-2004); Qazaqstan Respýblıkasy Qarjy naryǵy men qarjy uıymdaryn retteý jáne qadaǵalaý agenttiginiń Zań departamentiniń dırektory (2004-2007); Qazaqstan Respýblıkasy Qarjy naryǵy men qarjy uıymdaryn retteý jáne qadaǵalaý agenttigi tóraǵasynyń orynbasary (2007-2011); ulttandyrylǵan bankterdiń dırektorlar keńesindegi «Samuryq-Qazyna» ulttyq ál-aýqat qorynyń ókili (2011-2012); «Temirbank» AQ Basqarma tóraǵasy (2012-2013); «Altyn Bank» AQ Basqarma tóraǵasynyń orynbasary – Basqarma múshesi (2015-2025).

2025 jyldyń mamyr aıynan bastap qazirgi qyzmetinde.

48 jyl buryn (1978) Qazaqstan Respýblıkasy Bas prokýrorynyń birinshi orynbasary Jandos Jánibekuly ÓMІRÁLIEV dúnıege keldi.

Shymkent qalasynda týǵan. Abaı atyndaǵy Almaty memlekettik ýnıversıtetin bitirgen. 3-synypty memlekettik ádilet keńesshisi.

Eńbek jolyn 2000 jyly Ońtústik Qazaqstan oblysy Saıram aýdany prokýrorynyń kómekshisi qyzmetinen bastaǵan. 2004-2005 jyldary Ońtústik Qazaqstan oblysy prokýratýra basqarmasynyń prokýrory jáne aǵa prokýrory, 2005-2010 jyldary Ońtústik Qazaqstan, Aqtóbe oblystary prokýratýralarynyń jáne Batys óńirlik kólik prokýratýrasynyń orynbasary jáne basqarma bastyǵy, 2010 jyldan 2011 jylǵa deıin Bas prokýrordyń erekshe tapsyrmalar jónindegi aǵa kómekshisi – Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń hatshysy, 2011-2017 jyldary Almaty qalasy prokýrorynyń orynbasary, 2017-2018 jyldary Bas prokýror Apparaty basshysynyń orynbasary jáne Bas prokýratýranyń Kadrlardy damytý departamentiniń bastyǵy, 2018-2022 jyldary Batys Qazaqstan oblysynyń prokýrory qyzmetin atqarǵan.

2025 jyldyń qyrkúıek aıynan bastap qazirgi qyzmetinde.

48 jyl buryn (1978) Qazaqstan Respýblıkasy Qarjylyq monıtorıng agenttigi tóraǵasynyń orynbasary Jeńis Farahatuly ELEMESOV dúnıege keldi.

Qazaq memlekettik zań akademııasyn bitirgen, zańger (2000); T. Rysqulov atyndaǵy Qazaq ekonomıkalyq ýnıversıtetin bitirgen, ekonomıst (2002); Máskeý halyqaralyq joǵary bıznes mektebi «MIRBIS», bıznes ákimshiligi magıstri (MBA), strategııalyq menedjment jáne bıznes saıasaty mamandyǵy boıynsha (2013); Reseı Prezıdentiniń janyndaǵy halyq sharýashylyǵy jáne memlekettik basqarý akademııasyn memlekettik jáne mýnıtsıpaldyq basqarý mamandyǵy boıynsha (2014).

Eńbek joly: ınspektor, Almaty oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamentinde (Qarjy polıtsııasy) basshylyq qyzmetter atqardy (2000-2008); Astana qalasy boıynsha Ekonomıkalyq jáne sybaılas jemqorlyqqa qarsy kúres departamentinde basshylyq qyzmetterde jumys istedi (2008-2010); úkimettik emes kommertsııalyq jáne qarjylyq qurylymdarda jumys istedi (2010-2012); Aqtóbe oblysy boıynsha departament basshysynyń orynbasary (2012-2014); úkimettik emes kommertsııalyq jáne qarjylyq qurylymdardaǵy jumys (2014-2019); Qazaqstan Respýblıkasy Qarjy mınıstrliginiń Qarjylyq monıtorıng komıtetinde basshylyq laýazymdarda jumys istegen (2019); Qazaqstan Respýblıkasy Qarjy mınıstrliginiń Qarjylyq monıtorıng komıtetiniń Aqtóbe oblysy boıynsha ekonomıkalyq tergeýler departamentiniń basshysy (2019-2021).

2021 jyldyń aqpan aıynan bastap qazirgi qyzmetinde.

42 jyl buryn (1984) «Damý» kásipkerlikti damytý qory» AQ Basqarma tóraǵasy Farhat Qaınaruly SÁRSEKEEV dúnıege keldi.

Q.Sátbaev atyndaǵy Qazaq ulttyq tehnıkalyq ýnıversıtetin jáne Qazaq Eńbek jáne áleýmettik qatynastar akademııasyn bitirgen.

Eńbek joly 2005 jyly bank sektorynda bastalǵan. 2005-2006 jyldary «Qazkommertsbank» AQ Shaǵyn jáne orta bıznesti nesıeleý basqarmasynda 1 jáne 2-sanatty menedjer bolyp jumys istedi. 2008-2009 jyldary «Demır Bank Qazaqstan» AQ Korporatıvtik bıznes departamentiniń nesıe menedjeri, 2009-2010 jyldary — «ATF Bank» AQ (UniCredit Group) Restructuring and workout bas mamany, 2010-2012 jyldary«Qazaqstannyń Damý Banki» AQ aktıvterdi qaıta qurylymdaý departamentiniń bas front-menedjeri, 2012-2015 jyldary «Sberbank» AQ EB Ulttyq kompanııalarmen jáne damý ınstıtýttarymen jumys departamenti dırektorynyń orynbasary, 2015-2018 jyldary — «Sberbank» AQ EB Qaraǵandy fılıalynda Korporatıvtik bıznes jónindegi dırektordyń orynbasary, 2018-2019 jyldary — «Damý» kásipkerlikti damytý qory AQ Basqarýshy dırektory, 2019-2023 jyldary «Damý» kásipkerlikti damytý qory» AQ Basqarma tóraǵasynyń orynbasary laýazymyn atqarǵan. 2023-2025 jyldary «Frıdom Bank Qazaqstan» AQ Korporatıvtik bıznes jónindegi basqarýshy dırektory boldy.

2025 jyldyń aqpan aıynan bastap qazirgi qyzmetinde.

42 jyl buryn (1984) «Qazaqstan Halyq jınaq banki» AQ basqarmasy tóraǵasynyń orynbasary Narıman Nurlanuly MUQYShEV dúnıege keldi.

Qaraǵandy ​​oblysynyń Sátpaev qalasynda dúnıege kelgen. Súleımen Demırel atyndaǵy ýnıversıtetti (2007) júıelik ınjener mamandyǵy boıynsha; al Halyqaralyq bıznes akademııasyn (2011) bıznes ákimshiligi magıstri mamandyǵy boıynsha bitirgen.

Eńbek joly: «Qazkommertsbank» AQ-ta maman, jetekshi maman, bólim bastyǵy, bólim bastyǵynyń orynbasary, bólim bastyǵy, ınnovatsııalyq tehnologııalar departamentiniń dırektory (2005-2014); «Qazposhta» AQ-ta ınnovatsııa jáne IT jónindegi basqarýshy dırektor (2014-2017); «Qazposhta» AQ-ta bıznesti transformatsııalaý jáne IT jónindegi basqarýshy dırektor (09.2017-06.2018); Qazaqstan Respýblıkasy Eńbek jáne áleýmettik qorǵaý vıtse-mınıstri (2018 jylǵy maýsym – 2020 jylǵy shilde); «BI Innovations» JShS bas dırektory (2020–2022).

Qazirgi qyzmetin 2022 jyldyń naýryz aıynan beri atqaryp keledi.

93 jyl buryn (1933-1994) sport jýrnalısi, pýblıtsıst jáne qoǵam qaıratkeri Seıdahmet BERDІQULOV dúnıege kelgen.

Almaty oblysy, Jambyl aýdanyna qarasty Qarakesek qystaǵynda týǵan. 1956 jyly QazUÝ-dyń jýrnalıstıka fakýltetin bitirgen.

1965-1970 jyldary «Qazaqstan pıoneriniń» redaktory, 1970–1986 jyldary «Lenınshil jas» (qazirgi «Jas alash») gazetiniń redaktory, 1986–1994 jyldary «Jalyn», «Balaýsa» baspalarynyń dırektory boldy. Shyǵarmalary: «Sol oramal joǵalmaıdy» (1965), «Júrek uıyqtaýdy bilmeıdi» (1966), «Jumyr jerde teńbil dop» (1968), «Egeýli naıza» (1969), «Aspannan shuǵa jaýǵan kún» (1975), «Muńaıyp oıanǵan qala» (1979), «Úshinshi podezd» (1980), «Perdesiz kóńil» (1983), «Arbaǵan máni bir sıqyr» (1987) jáne taǵy basqa.