9 qyrkúıekte Úkimettiń keńeıtilgen otyrysy ótedi - QR Prezıdenti
HANChJOÝ. QazAqparat - 9 qyrkúıekte QR Prezıdenti Nursultan Nazarbaevtyń tóraǵalyǵymen Úkimettiń keńeıtilgen otyrysy ótedi. Bul týraly QHR-dyń Hanchjoý qalasyndaǵy Elbasynyń brıfıngisinde belgili boldy.
«Damýshy elderdi aýqymdy jumyssyzdyq alańdatýda. Ǵylymı-tehnıkalyq progress pen tehnologııanyń damýǵa baılanysty adamdardyń kópshiligi qysqartýǵa ushyrady (...) Munyń bárin Qazaqstan eskerip, oıǵa túıip, aldyn ala sharalar qoldanýy tıis. ıAǵnı, ortaq sheshim mynaý: Qazaqstandy ındýstrııalandyrý, mundaı qıyn kezeńdegi bizdiń memlekettik ınvestıtsııalarǵa qatysty baǵdarlamalarymyz óte durys. Jumyssyzdyqtyń tómen deńgeıin saqtap turý, jańa jumys oryndaryn ashý jáne daǵdaryspen kúresten ekonomıkalyq ósýge bet alý kerek. Dál osy máseleni 9 qyrkúıekte Úkimettiń keńeıtilgen otyrysynda talqylaımyz», - dedi N.Nazarbaev jýrnalısterge G20 sammıti barysynda áserlerimen bólise otyryp.
Eske salsaq, 1 qyrkúıekte N. Nazarbaev QHR Tóraǵasy Sı Tszınpınniń shaqyrtýymen G20 sammıtine qatysý úshin Qytaıǵa keldi. Birinshi sessııada Memleket basshysy jahandyq ekonomıka máselelerin sheshý joldary týraly óz boljamdaryn aıtty.
