9 qyrkúıekte el aýmaǵynyń basym bóliginde jel kúsheıip, jańbyr jaýady
NUR-SULTAN. QazAqparat - 9 qyrkúıekte el aýmaǵynyń basym bóliginde aýa raıy qubylmaly bolady. Keı jerlerde jańbyrmen birge naızaǵaı kútiledi, jel kúsheıip, burshaq jaýýy yqtımal, ońtústikte – daýyl, soltústik-batysta, soltústikte, ortalyqta jáne shyǵysta tuman túsýi yqtımal. Tek batysta ǵana kún ashyq, dep habarlaıdy QazAqparat.
«Qazgıdromet» RMK málimetinshe, Qaraǵandy, Shyǵys Qazaqstan, Aqmola oblystarynyń keı jerlerinde naızaǵaı, túnde jáne tańerteń tuman kútiledi, kúndiz jel 15-20 m/s kúsheıedi, Qaraǵandy jáne Aqmola oblystarynda burshaq jaýýy yqtımal.
Jambyl, Túrkistan, Qyzylorda oblystarynyń keı jerlerinde naızaǵaı jarqyldap, tańerteń jáne kúndiz jeldiń jyldamdyǵy 15-20 m/s kúsheıedi.
Túrkistan jáne Qyzylorda oblystarynda daýyl, Jambyl oblysynda burshaq jaýýy yqtımal.
Almaty, Qostanaı, oblystarynyń keı jerlerinde naızaǵaı, jel 15-20 m/s, Qostanaı oblysynda – tuman. Soltústik Qazaqstan, Pavlodar oblystarynyń keı jerlerinde naızaǵaı, tuman kútiledi.
Túrkistan, Atyraý, Qyzylorda, Jambyl oblystarynda, Qaraǵandy oblysynyń keı jerlerinde, Aqtóbe oblysynyń ońtústiginde, Almaty oblysynyń jekelegen aýdanynda óte joǵary órt qaýpi saqtalady.
