9 qyrkúıek kúni Qazaqstanda ótetin mańyzdy sharalar
ALMATY. QazAqparat - «QazAqparat» halyqaralyq aqparat agenttigi Qazaqstanda 9 qyrkúıekte ótetin mańyzdy sharalar týraly sholýdy usynady.
ALMATY
11:00-de Balýan Sholaq atyndaǵy sport saraıynda elimizdegi eń tanymal boksshylardyń biri, Máskeýdegi Olımpıada oıyndarynyń kúmis júldegeri, Eýropa chempıony Vıktor Demıanenkonyń 60 jyldyǵyna arnalǵan saltanatty is-shara ótedi. Sharaǵa bylǵary qolǵaptyń ár jyldardaǵy sheberleri, álem chempıonaty men Olımpıada jeńimpazdary qatysady dep kútilýde.
11:00-de QazUÝ-ǵa qarama-qarsy ornalasqan Dostyq saıabaǵynda «PARK FEST» skýlptýra jáne shaǵyn arhıektýralyq pishinder halyqaralyq festıvaliniń aıasynda «Sálem, kórshiler!» atty mádenı pıknık ótedi.
Pıknık qonaqtaryn ınteraktıvti ınstallıatsııalar, músin óneri boıynsha plenerge qatysý múmkindigi, ústel oıyndaryna arnalǵan aımaqtar, sport oıyndary, býk-krossıng, qyzyqty qala jobalary jóninde lektsııalar, dámdi tamaq, eresekter men balalarǵa arnalǵan túrli sheberlik saǵattary, ádemi mýzyka jáne basqa da kóptegen tosynsyılar kútedi. Іs-shara Almaty qalasy ákimdiginiń qoldaýymen uıymdastyrylyp otyr.
QARAǴANDY
Erteń Qaraǵandyda trıatlon boıynsha Qazaqstan kýbogynyń úshinshi kezeńi bastalady.
