9 kún buryn joǵalǵan 21 jastaǵy aqmolalyq izdestirilip jatyr
BESTÓBE. QazAqparat – Aqmola oblysynda toǵyz kún buryn joǵalyp ketken 21 jastaǵy Bestóbe aýylynyń turǵyny izdestirilip jatyr, dep habarlaıdy QazAqparat tilshisi.
Aqmola oblysynyń polıtsııa departamentiniń baspasóz qyzmetiniń habarlaýynsha, 27 qyrkúıek kúni Stepnogorsk qalasynyń polıtsııa basqarmasynyń kezekshi bólimine Bestóbe aýylynyń 72 jastaǵy turǵyny kelip, 21 jastaǵy nemeresi Povıd Konstantın Sergeevıchtiń joǵalyp ketkeni týraly ótinish jazǵan. Konstantın 20 qyrkúıek kúni saǵat 13:00 shamasynda Bestóbe aýylyndaǵy úıinen shyǵyp, qaıtyp kelmegen.
«Qazirgi kezde joǵalǵan jigittiń qaıda ekenin anyqtaý boıynsha jedel-izdestirý sharalary júrip jatyr», - dedi vedomstvodan.
Polıtseılerdiń aıtýynsha, joǵalǵan jigittiń boıy – 160 sm, dene bitimi ortasha, kóziniń túsi – sur-kók, shashy qysqa, aq sary, ish jaǵynda tyrtyq bar, «R» árpin nashar aıtady.
Onyń ústinde kók tústi kúzdik kúrteshe, qyzyl tústi fýtbolka, qyzyl tústi kofta, sur tústi shalbar, aq-qara jolaqty bas kıim jáne kók tústi aıaq kıim bolǵan.
«Joǵalǵan jigittiń qaıda ekeni týraly aqparat biletin adamdardyń 8 (7162) 72-32-98 nómirine nemese 102 jelisine habarlasýyn suraımyz», - dep qosty polıtseıler.
