9 qyrkúıekte elimizde kún raıy qalaı bolady
ASTANA. KAZINFORM - Qazgıdromet Qazaqstan aımaqtarynda 2024 jylǵy 9 qyrkúıekte bolatyn qaýipti meteorologııalyq qubylystarǵa boljaý konsýltatsııasyn jarııalady.
Soltústiktegi atmosferalyq fronttardyń áserinen eldiń ońtústik-shyǵysyndaǵy taýly aımaqtarynda naızaǵaımen jańbyr jaýady. Respýblıkanyń qalǵan aýmaqtarynda antıtsıklon áserinen jaýyn-shashynsyz aýa raıy bolady.
QR ońtústiginde, ońtústik-shyǵysynda jel kúsheıip, soltústiginde, shyǵysynda, ortalyǵynda túngi jáne tańerteńgi saǵattarda tuman kútiledi.
Ulytaý oblysynda, Jetisý oblysynyń batysynda, Batys Qazaqstan oblysynyń soltústiginde, soltústik-shyǵysynda, Qyzylorda oblysynyń soltústik-shyǵysynda, Aqtóbe oblysynyń ońtústiginde, batysynda, ortalyǵynda, Almaty oblysynyń soltústiginde, Qaraǵandy oblysynyń batysynda, shyǵysynda, Qostanaı oblysynyń ońtústiginde joǵary órt qaýpi saqtalady.
Qyzylorda, Túrkistan, Jambyl, Atyraý, Mańǵystaý, Batys Qazaqstan oblystarynda, Ulytaý oblysynyń ońtústiginde, Abaı oblysynyń batysynda, soltústik-batysynda, ońtústiginde, Jetisý oblysynyń soltústiginde tótenshe órt qaýpi saqtalady.
