9 keli almaz tastardy áketpek bolǵan reseılik ustaldy
ASTANA. QazAqparat - Reseı azamaty Eýrazııalyq ekonomıkalyq odaq (EAEO) aýmaǵyna akvarıým úshin gravııa túrinde toǵyz keli almaz tastardy zańsyz áketpek bolǵan kezinde Belorýssııada ustaldy.
Bul týraly juma kúni, 4 qarashada Respýblıkanyń Grodnensk óńirlik kedeniniń saıtynda habarlandy.
Reseıliktiń avtomobılin Polshamen shekarada ornalasqan «Berestovıtsa» ótkizý beketinde toqtatqan. Júrgizýshiniń jeke zattarynyń arasynan tintý kezinde «kedenshiler kúdigin týǵyzǵan ártúrli pishindegi, túster men ólshemderdegi krıstall tastar» tabylǵan. Ol bul tastar akvarıýmǵa arnalǵan dep sendirmekshi boldy, biraq saraptama nátıjesi bulardyń sorttalmaǵan almaz tastar ekendigin kórsetti. Aldyn ala baǵalaý boıynsha olardyń quny 900 myńnan astam belarýs rýblin quraıdy.
Grodno qalasynyń soty aıyppul salýdy jáne ol áketpekshi bolǵan almaz tastardy tárkileýge qaýly shyǵardy.
