9 qazanǵa arnalǵan aýa raıy boljamy - Qazgıdromet
ASTANA. QazAqparat - Túnde respýblıkanyń soltústik, shyǵys aımaǵynda aýa raıy jaýyn-shashyndy (jańbyr, qar) bolady, jel kúsheıip, tuman túsedi, dep habarlaıdy «Qazgıdromet».
Aqmola, Aqtóbe oblystarynyń keı aımaqtarynda tuman túsedi. Almaty oblysynda túnde tuman túsip, jeldiń ekpini 15-20 m/s-qa barady. Mańǵystaý oblysynda 15-20 m/s bolatyn shańdy jel turady. Jambyl, Soltústik Qazaqstan, túnde Qaraǵandy oblystarynyń keı jerlerinde tuman bolyp, 15-20 m/s jel turady. Shyǵys Qazaqstan, Pavlodar oblysynda, kúndiz jáne tańerteń Ońtústik Qazaqstan oblysynyń bir qatar jerlerinde jeldiń kúshi 15-20 m/s-qa deıin barady.
