9 qazanda aýa raıy kúrt qubylady: 14 óńirge eskertý berildi
ASTANA. KAZINFORM — Qazaqstannyń 14 oblysynda 9 qazanǵa eskertý jarııalandy. Birqatar óńirde jeldiń ekpini 28 m/s-qa deıin kúsheıip, tuman, jańbyr, taýly aımaqtarda jańbyr men qar, sondaı-aq joǵary jáne tótenshe órt qaýpi kútiledi. Bul týraly «Qazgıdromet» RMK baspasóz qyzmeti málim etti.
Qaraǵandy oblysynda túnde jáne tańerteń oblystyń batysynda, soltústiginde jáne shyǵysynda tuman kútiledi. Batystan, soltústik-batystan soǵatyn jeldiń jyldamdyǵy oblystyń soltústiginde, shyǵysynda jáne ońtústiginde sekýndyna 15–20 metrge deıin jetedi. Qaraǵandy qalasynda kúndiz batystan, soltústik-batystan soǵatyn jeldiń ekpini 15–20 m/s bolady.
Jetisý oblysynda ońtústik-batystan soǵatyn jeldiń jyldamdyǵy soltústikte jáne shyǵysta 15–20 m/s, kúndiz keı ýaqytta 23–28 m/s-qa deıin kúsheıedi. Oblystyń shyǵysynda joǵary órt qaýpi saqtalady.
Mańǵystaý oblysynda túnde jáne tańerteń oblystyń ońtústiginde, batysynda jáne ortalyǵynda tuman kútiledi. Ortalyqta joǵary órt qaýpi saqtalady. Aqtaý qalasynda túnde jáne tańerteń tuman bolady.
Aqtóbe oblysynda túnde jáne tańerteń oblystyń batysy men soltústiginde tuman kútiledi. Shyǵysynda joǵary órt qaýpi, al batysynda, ońtústiginde jáne ortalyǵynda tótenshe órt qaýpi saqtalady. Aqtóbe qalasynda túnde jáne tańerteń tuman bolady.
Pavlodar oblysynda batystan soǵatyn jeldiń jyldamdyǵy túnde oblystyń ońtústigi men shyǵysynda 15–20 m/s, kúndiz 15–20 m/s bolady. Ońtústigi men shyǵysynda jeldiń ekpini 23–28 m/s-qa deıin jetedi. Pavlodarda kúndiz batystan soǵatyn jel 15–20 m/s-qa deıin kúsheıedi.
Soltústik Qazaqstan oblysynda túnde jáne tańerteń oblystyń batysynda tuman kútiledi. Batystan, soltústik-batystan soǵatyn jeldiń jyldamdyǵy túnde oblystyń soltústiginde, shyǵysynda jáne ońtústiginde 15–20 m/s, shyǵysy men ońtústiginde keı ýaqytta 25 m/s bolady. Kúndiz jeldiń jyldamdyǵy 15–20 m/s, shyǵysy men ońtústiginde ekpini 25 m/s-qa deıin jetedi. Petropavlda batystan, soltústik-batystan soǵatyn jel 15–20 m/s bolady.
Atyraý oblysynda túnde jáne tańerteń oblystyń batysy men ońtústiginde tuman kútiledi. Oblysta joǵary órt qaýpi, al ońtústiginde tótenshe órt qaýpi saqtalady. Atyraý qalasynda da tótenshe órt qaýpi bar.
Aqmola oblysynda túnde jáne tańerteń oblystyń batysy men soltústiginde tuman kútiledi. Soltústik-batystan soǵatyn jeldiń jyldamdyǵy oblystyń soltústigi men shyǵysynda 15–20 m/s bolady. Kókshetaýda kúndiz jeldiń ekpini 15–20 m/s-qa deıin jetedi.
Abaı oblysynda ońtústik-batystan, batystan soǵatyn jeldiń jyldamdyǵy soltústikte, shyǵysta jáne ońtústikte 15–20 m/s, ekpini 25 m/s bolady. Semeıde kúndiz jeldiń ekpini 15–20 m/s-qa deıin kúsheıedi.
Jambyl oblysynyń taýly aýdandarynda tuman kútiledi. Ońtústik-batystan soltústik-batysqa aýysatyn jeldiń taýly aýdandardaǵy ekpini 15–20 m/s bolady.
Qyzylorda oblysynda tótenshe órt qaýpi saqtalady. Oblystyń soltústigi men ortalyǵynda joǵary órt qaýpi bar. Qyzylorda qalasynda tótenshe órt qaýpi saqtalady.
Shyǵys Qazaqstan oblysynda jańbyr jaýady. Taýly aýdandarda jańbyr jáne qar túrinde jaýyn-shashyn kútiledi, keı ýaqytta jaýyn-shashyn qatty bolady. Ońtústik-batystan soǵatyn jeldiń jyldamdyǵy oblystyń soltústiginde, shyǵysynda jáne ońtústiginde 15–20 m/s, ekpini 25 m/s-qa deıin jetedi. Óskemende ońtústik-batystan soǵatyn jeldiń ekpini 15–20 m/s bolady.
Batys Qazaqstan oblysynda túnde jáne tańerteń oblystyń batysynda, soltústiginde jáne shyǵysynda tuman kútiledi. Batysynda, ońtústiginde jáne shyǵysynda joǵary órt qaýpi saqtalady. Oral qalasynda túnde jáne tańerteń tuman bolady.
Qostanaı oblysynda túnde jáne tańerteń oblystyń batysy men soltústiginde tuman kútiledi. Soltústik-batystan soǵatyn jeldiń jyldamdyǵy oblystyń soltústigi men shyǵysynda 15–20 m/s bolady. Oblystyń ońtústiginde joǵary órt qaýpi kútiledi.
Buǵan deıin «Qazgıdromet» 8–10 qazanǵa arnalǵan Qazaqstan boıynsha aýa raıy boljamyn usyndy. Mamandardyń málimetinshe, aldaǵy kúnderi eldiń basym bóliginde aýa raıy turaqsyz bolyp, jańbyr, soltústik jáne shyǵys óńirlerde sýly qar jaýady. Shyǵysta kóktaıǵaq kútiletinin jazdyq.
