9 qazan. Tulǵalar týǵan kún
Búgin, 9 qazan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.
63 jyl buryn (1960) Qazaqstan Respýblıkasy Parlamenti Májilisiniń VII shaqyrylymynyń depýtaty, Ekonomıkalyq reforma jáne óńirlik damý komıtetiniń múshesi Ámirhan Muratbekuly RAHYMJANOV dúnıege keldi.
Shyǵys Qazaqstan oblysy Úrjar aýdany Besterek kentinde týǵan. Semeı pedagogıkalyq ınstıtýtyn tarıh jáne qoǵamtaný pániniń oqytýshysy mamandyǵy boıynsha, Qazaq qarjy-ekonomıka ınstıtýtyn ekonomıst-menedjer mamandyǵy boıynsha bitirgen. Tarıh ǵylymdarynyń kandıdaty, saıası ǵylym doktory, professor.
Eńbek joly: 1977-1978 jyldary Semeı oblysy Úrjar aýdany Chapaev atyndaǵy kolhoz jumysshysy, 1981-1990 jyldary orta mektep oqytýshysy, kolhozdyń komsomol komıtetiniń hatshysy, Lenın atyndaǵy kolhozdyń partııa komıtetiniń hatshysy bolǵan. 1990-1991 jyldary Qazaqstan Kompartııasy Úrjar aýdandyq komıtetiniń saıası aǵartý kabınetiniń nusqaýshysy, meńgerýshisi, 1991-1995 jyldary mektep-lıtseı dırektory, Semeı oblystyq bilim departamenti bastyǵynyń orynbasary - oblystyq pedagogıkalyq kadrlardyń biliktiligin arttyrý ınstıtýtynyń dırektory, 1995-1999 jyldary Semeı qalalyq bilim berý basqarmasynyń bastyǵy, Semeı oblystyq bilim berý departamenti bastyǵynyń birinshi orynbasary, Shyǵys Qazaqstan oblysy Besqaraǵaı aýdany bilim berý bóliminiń meńgerýshisi qyzmetterin atqardy. Bilim berý, jalpy ákimshilik júıesi men japon tilin úırený maqsatynda memlekettik qyzmetshilermen almasý jobasy boıynsha Japonııada taǵlymdamadan ótti. 1999-2001 jyldary – QR Densaýlyq saqtaý, bilim jáne sport mınıstrligi Orta jáne kásibı bilim komıtetiniń basqarma bastyǵy, QR Bilim jáne ǵylym mınıstrligi Orta bilim departamenti dırektorynyń orynbasary. 2001-2003 jyldary QR Premer-Mınıstriniń Keńsesi Áleýmettik-mádenı damý bóliminiń sektor meńgerýshisi, bólim meńgerýshisiniń orynbasary, 2003-2006 jyldary Astana qalasy bilim departamentiniń bastyǵy, 2006-2008 jyldary QR Prezıdenti Ákimshiliginiń bas ınspektory, Aqtóbe oblysy ákiminiń orynbasary, QR Mádenıet jáne aqparat vıtse-mınıstri bolyp eńbek etti. 2008-2010 jyldary Astana qalasy ákiminiń orynbasary, 2010-2012 jyldary «Nur Otan» Halyqtyq-Demokratııalyq partııasynyń Astana qalasy boıynsha fılıaly tóraǵasynyń birinshi orynbasary boldy, qosymsha Qazaq-Reseı ýnıversıtetiniń saıasattaný kafedrasynyń professory bolyp jumys istedi. 2012-2014 jyldary QR Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń meńgerýshisi, 2014 jyldan bastap V shaqyrylǵan QR Parlamenti Májilisiniń depýtaty, «Nur Otan» partııasynyń partııalyq tizim boıynsha saılanǵan múshesi boldy. 2015-2017 jyldary QR Bilim jáne ǵylym mınıstrliginiń jaýapty hatshysy, 2017-2019 jyldary «Qazaqstan Respýblıkasynyń Tuńǵysh Prezıdenti – Elbasy kitaphanasy» MM dırektorynyń orynbasary qyzmetin atqardy. 2019-2021 jyldary «Qazaqstan Respýblıkasynyń Tuńǵysh Prezıdenti – Elbasy kitaphanasy» MM dırektory boldy.
Qazirgi qyzmetin 2021 jyldyń qańtar aıynan atqaryp keledi.
«Qurmet» ordenimen (2010), medaldarmen marapattalǵan.
56 jyl buryn (1967) Qazaqstan Respýblıkasy Parlamenti Májilisiniń VII shaqyrylymynyń eks-depýtaty, Zańnama jáne sot-quqyqtyq reforma komıtetiniń tóraǵasy Arman Tóleshuly QOJAHMETOV dúnıege keldi.
Qaraǵandy oblysynyń Sátbaev qalasynda týǵan. Qaraǵandy memlekettik ýnıversıtetin, Qazaq memlekettik basqarý akademııasy janyndaǵy Naryq ınstıtýtyn, Reseı Federatsııasy Úkimetiniń janyndaǵy Halyq sharýashylyǵy akademııasynyń Joǵary bıznes mektebin bitirgen.
Eńbek joly: Ýnıversıtetti bitirgennen keıin «Jezqazǵan tústi metall» AQ-da zańger, zań bóliminiń bastyǵy bolyp jumys istegen. 1999-2001 jyldary «Qazaqmys» «Shyǵyskazmed» korporatsııasynyń fılıal basshysynyń quqyqtyq máseleler jónindegi orynbasary, 2001-2007 jyldary «Qazaqmys» korporatsııasy Zań qyzmeti departamenti dırektorynyń orynbasary, 2007-2012 jyldary «Qazaqmys» korporatsııasy Zań qyzmeti departamentiniń bastyǵy qyzmetterin atqardy. 2012-2016 jyldary besinshi saılanǵan Qazaqstan Respýblıkasy Parlamenti Májilisiniń depýtaty, 2016-2021 jyldary QR Parlamenti Májilisiniń VI shaqyrylym depýtaty, Zańnama jáne sot-quqyqtyq reforma komıtetiniń múshesi, 2021-2023 jyldary QR Parlamenti Májilisiniń VIІ shaqyrylym depýtaty, Zańnama jáne sot-quqyqtyq reforma komıtetiniń tóraǵasy boldy.
54 jyl buryn (1969) Qazaqstan Respýblıkasy saýda jáne ıntegratsııa eks-birinshi vıtse-mınıstri Erlan Erkinuly BATTAQOV dúnıege keldi.
Qaraǵandy qalasynda týǵan. Qaraǵandy polıtehnıkalyq ınstıtýtyn qurylys materıaldary jáne buıymdary óndirisi mamandyǵy boıynsha, QR Eńbek mınıstrligi men Memlekettik statıstıka komıtetiniń RSBJI býhgalterlik esep jáne aýdıt mamandyǵy boıynsha bitirgen.
Eńbek joly: 1992-1995 jyldary Qaraǵandy polıtehnıkalyq ınstıtýtynda qurylys materıaldary jáne buıymdary tehnologııasy kafedrasynda taǵylymdamadan ótýshi-zertteýshi, 1995-1996 jyldary – «Alataý Invest» JZQ bas mamany, bas dırektorynyń ınvestıtsııalar jónindegi orynbasary. 1996 jyly – QR baǵaly qaǵazdar jónindegi Ulttyq komıssııasynyń baǵaly qaǵazdar naryǵyn retteý basqarmasynda lıtsenzııalaý bóliminiń mamany, bastyǵy, 1996-2007 jyldary – «Azyq-túlik kelisimshart korporatsııasy» AQ-da bas maman, bólim bastyǵy, basqarma bastyǵy, qarjy dırektory. 2007-2008 jyldary QR Prezıdenti Іs basqarmasynda bıýdjettik baǵdarlamalardy josparlaý jáne qarjylandyrý bóliminiń qarjy-taldaý sektorynyń meńgerýshisi qyzmetterin atqardy. 2008-2010 jyldary QR Prezıdenti Іs basqarmasynda bıýdjettik baǵdarlamalardy josparlaý jáne qarjylandyrý bóliminiń meńgerýshisi, 2010-2012 jyldary QR Prezıdenti Іs basqarmasynyń qarjy-ekonomıkalyq bólim meńgerýshisi, 2012-2017 jyldary QR Prezıdenti Іs basqarýshysynyń orynbasary, birinshi orynbasary, 2019-2022 jyldary QR Prezıdentiniń Іs basqarýshysy, 2022 jylǵy qańtar men qazan aralyǵynda QR Saýda jáne ıntegratsııa birinshi vıtse-mınıstri boldy.
40 jyl buryn (1983) Aýylsharýashylyǵy mınıstrligi Veterınarııalyq baqylaý jáne qadaǵalaý komıteti tóraǵasynyń mindetin atqarýshy Baýyrjan Kemerbaıuly ABYZBAEV dúnıege keldi.
Almaty qalasynda týǵan. Qazaq ulttyq agrarlyq ýnıversıtetin 2005 jyly mal dárigeri, 2011 jyly zańger mamandyqtary boıynsha támamdaǵan.
Eńbek joly: 2006-2013 jyldary Aýyl sharýashylyǵy mınıstrligi Memlekettik ınspektsııa komıtetiniń Almaty qalasy boıynsha Almaly aýmaqtyq ınspektsııasynyń bas mamany, 2013-2015 jyldary QR AShM Veterınarııalyq baqylaý jáne qadaǵalaý komıtetiniń Almaty qalasy boıynsha Almaly aýmaqtyq ınspektsııasynyń bólim jetekshisi, 2015-2019 jyldary Almaty qalasy boıynsha aýyl sharýashylyǵy basqarmasy jetekshisiniń orynbasary, 2019-2020 jyldary QR AShM Veterınarııalyq baqylaý jáne qadaǵalaý komıtetiniń Aýmaqtyq ınspektsııasynyń jetekshisi qyzmetterin atqardy. 2020-2021 jyldary QR AShM Veterınarııalyq baqylaý jáne qadaǵalaý komıteti tóraǵasynyń orynbasary, 2021 jyldan bastap Aýyl sharýashylyǵy mınıstrligi Veterınarııalyq baqylaý jáne qadaǵalaý komıteti tóraǵasynyń mindetin atqarýshy, 2021-2023 jyldary Qazaqstan Respýblıkasy Bas memlekettik veterınarııalyq-sanıtarııalyq ınspektory boldy.
2023 jyldyń maýsymynan qazirgi qyzmetin atqaryp keledi.
38 jyl buryn (1985) Qazaqstan Respýblıkasynyń Densaýlyq saqtaý vıtse-mınıstri Beıbit Sálimuly ESENBAEV dúnıege keldi.
Qaraǵandy qalasynda týǵan. Qaraǵandy memlekettik tehnıkalyq ýnıversıtetin «Mehatronıka jáne robotehnıka» mamandyǵy boıynsha (2008), Qaztutynýodaǵy Qaraǵandy ekonomıkalyq ýnıversıtetin «Ekonomıka» mamandyǵy boıynsha (2012), «QDSJM» Qazaqstandyq medıtsınalyq ýnıversıtetiniń magıstratýrasyn (2019) bitirgen.
Eńbek joly: 2006-2009 jyldary jekemenshik uıymda ınjener-baǵdarlamalaýshy, 2009-2011 jyldary QR Densaýlyq saqtaý mınıstrligi Investıtsııalyq jobalardyń monıtorıngi jáne damý basqarmasynyń sarapshysy, 2011-2013 jyldary QR Densaýlyq saqtaý mınıstrligi Strategııalyq damý departamentiniń basqarma sarapshysy, bas sarapshysy, basshysy qyzmetterin atqardy. 2013-2017 jyldary QR DSM bólimsheleriniń basshysy, 2017-2020 jyldary QR DSM Densaýlyq saqtaýdy tsıfrlandyrý departamentiniń dırektory, 2020-2022 jyldary QR DSM elektrondyq densaýlyq saqtaýdy damytý departamentiniń dırektory (2020-2022) boldy.
Qazirgi qyzmetin 2022 jylǵy shildeden atqaryp keledi.
