9 qazan. Týǵan kún ıeleri

ESІMDER

59 jyl (1959) buryn Qazaqstandaǵy farmatsevtıka salasynyń kórnekti ókili, osy naryqtyń negizin qalaýshylardyń biri  Serik Egeluly SULTANOV dúnıege keldi.

Pavlodar oblysynda týǵan. Pavlodar pedagogıkalyq ınstıtýtyn matematıka muǵalimi mamandyǵy boıynsha (1980); Qazaq memlekettik tehnıkalyq ýnıversıtetin ınjener-qurylysshy mamandyǵy boıynsha (1993, syrttaı) támamdaǵan.

Qazaqstan Respýblıkasy Densaýlyq saqtaý mınıstrliginiń farmatsııa, farmatsevtıka jáne medıtsına ónerkásibi komıtetin basqarǵan. 2004-2017 jyldary «Qazaqstannyń FarmMedIndýstrııasy» qaýymdastyǵynyń prezıdenti boldy.

58 jyl buryn (1960) «Qazaqstan Respýblıkasynyń Tuńǵysh Prezıdenti - Elbasynyń kitaphanasy» MM dırektorynyń orynbasary Ámirhan Muratbekuly RAHYMJANOV dúnıege keldi. 

Shyǵys Qazaqstan oblysy Úrjar aýdany Besterek kentinde dúnıege keldi. Semeı pedagogıkalyq ınstıtýtyn tarıh jáne qoǵamtaný pániniń oqytýshysy mamandyǵy boıynsha, Qazaq qarjy-ekonomıkalyq ınstıtýtyn ekonomıst-menedjer mamandyǵy boıynsha bitirgen. Tarıh ǵylymdarynyń kandıdaty, saıası ǵylym doktory, professor. 1977-1978 jyldary - Semeı oblysy Úrjar aýdany Chapaev atyndaǵy kolhoz jumysshysy. 1978-1980 jyldary - Keńes Armııasynyń qatarynda boryshyn ótedi. 1981-1990 jyldary - orta mektep oqytýshysy, kolhozdyń komsomol komıtetiniń hatshysy, Lenın atyndaǵy kolhozdyń partııa komıtetiniń hatshysy. 1990-1991 jyldary - Qazaqstan Kompartııasy Úrjar aýdandyq komıtetiniń saıası aǵartý kabınetiniń nusqaýshysy, meńgerýshisi. 1991-1995 jyldary - mektep-lıtseı dırektory, Semeı oblystyq bilim departamenti bastyǵynyń orynbasary - oblystyq pedagogıkalyq kadrlardyń biliktiligin arttyrý ınstıtýtynyń dırektory. 1995-1999 jyldary - Semeı qalalyq bilim berý basqarmasynyń bastyǵy, Semeı oblystyq bilim berý departamenti bastyǵynyń birinshi orynbasary, Shyǵys Qazaqstan oblysy Besqaraǵaı aýdany bilim berý bóliminiń meńgerýshisi, bilim berý, jalpy ákimshilik júıesi men japon tilin úırený maqsatynda memlekettik qyzmetshilermen almasý jobasy boıynsha Japonııada taǵlymdamadan ótti. 1999-2001 jyldary - Qazaqstan Respýblıkasy Densaýlyq saqtaý, bilim jáne sport mınıstrligi Orta jáne kásibı bilim komıtetiniń basqarma bastyǵy, Qazaqstan Respýblıkasy Bilim jáne ǵylym mınıstrligi Orta bilim departamenti dırektorynyń orynbasary. 2001-2003 jyldary - Qazaqstan Respýblıkasy Premer-Mınıstriniń Keńsesi Áleýmettik-mádenı damý bóliminiń sektor meńgerýshisi, bólim meńgerýshisiniń orynbasary.

2003-2006 jyldary - Astana qalasy bilim departamentiniń bastyǵy. 2006-2008 jyldary - Qazaqstan Respýblıkasy Prezıdenti Ákimshiliginiń bas ınspektory, Aqtóbe oblysy ákiminiń orynbasary, Qazaqstan Respýblıkasy Mádenıet jáne aqparat vıtse-mınıstri. 2008-2010 jyldary - Astana qalasy ákiminiń orynbasary. 2010-2012 jyldary - «Nur Otan» Halyqtyq-Demokratııalyq partııasynyń Astana qalasy boıynsha fılıaly tóraǵasynyń birinshi orynbasary, qosymsha jumysy Qazaq-Reseı ýnıversıtetiniń saıasattaný kafedrasynyń professory. 2012-2014 jyldary - Qazaqstan Respýblıkasy Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń meńgerýshisi. 2014 jylǵy mamyrdan bastap - V shaqyrylǵan Qazaqstan Respýblıkasy Parlamenti Májilisiniń depýtaty, «Nur Otan» partııasynyń múshesi, partııalyq tizim boıynsha saılanǵan. 2015-2017 jyldary - Qazaqstan Respýblıkasy Bilim jáne ǵylym mınıstrliginiń jaýapty hatshysy.

2017 jyldyń mamyrynda «Qazaqstan Respýblıkasynyń Tuńǵysh Prezıdenti - Elbasynyń kitaphanasy» MM dırektorynyń orynbasary qyzmetine taǵaıyndaldy.

51 jyl buryn (1967) QR Parlamenti Májilisiniń depýtaty, Zańnama jáne sot-quqyqtyq reforma komıtetiniń múshesi Arman Tóleshuly QOJAHMETOV dúnıege keldi.

Qaraǵandy oblysynyń Sátbaev qalasynda týǵan. Qaraǵandy memlekettik ýnıversıtetin, Qazaq memlekettik basqarý akademııasy janyndaǵy Naryq ınstıtýtyn, Reseı Federatsııasy Úkimetiniń janyndaǵy Halyq sharýashylyǵy akademııasynyń Joǵary bıznes mektebin bitirgen. Ýnıversıtetti bitirgennen keıin «Jezqazǵan tústi metall» AQ-da zańger, zań bóliminiń bastyǵy bolyp jumys istegen. 1999-2001 jyldary - «Qazaqmys» «Shyǵyskazmed» korporatsııasynyń fılıal basshysynyń quqyqtyq máseleler jónindegi orynbasary. 2001-2007 jyldary - «Qazaqmys» korporatsııasy Zań qyzmeti departamenti dırektorynyń orynbasary. 2007-2012 jyldary - «Qazaqmys» korporatsııasy Zań qyzmeti departamentiniń bastyǵy. 2012 - 2016 jyldary - besinshi saılanǵan Qazaqstan Respýblıkasy Parlamenti Májilisiniń depýtaty. Qazirgi qyzmetinde 2016 jylǵy naýryzdan beri.  

49 jyl buryn (1969) QR Prezıdenti Іs basqarýshysynyń birinshi orynbasary Erlan Erkinuly BATTAQOV dúnıege keldi.

Qaraǵandy qalasynda týǵan. Qaraǵandy polıtehnıkalyq ınstıtýtyn bitirgen. 1992-1995 jyldary - Qaraǵandy polıtehnıkalyq ınstıtýtynda qurylys materıaldary jáne buıymdary tehnologııasy kafedrasynda taǵylymdamadan ótýshi-zertteýshi. 1995-1996 jyldary - «Alataý Invest» JZQ bas mamany, bas dırektorynyń ınvestıtsııalar jónindegi orynbasary. 1996 jyly - QR baǵaly qaǵazdar jónindegi Ulttyq komıssııasynyń baǵaly qaǵazdar naryǵyn retteý basqarmasynda lıtsenzııalaý bóliminiń mamany, bastyǵy. 1996-2007 jyldary - «Azyq-túlik kelismshart korporatsııasy» AQ-da bas maman, bólim bastyǵy, basqarma bastyǵy, qarjy dırektory. 2007-2008 jyldary - QR Prezıdenti Іs basqarmasynda bıýdjettik baǵdarlamalardy josparlaý jáne qarjylandyrý bóliminiń qarjy-taldaý sektorynyń meńgerýshisi. 2008-2010 jyldary - QR Prezıdenti Іs basqarmasynda bıýdjettik baǵdarlamalardy josparlaý jáne qarjylandyrý bóliminiń meńgerýshisi. 2010-2012 jyldary - QR Prezıdenti Іs basqarmasynyń qarjy-ekonomıkalyq bóliminiń meńgerýshisi. 2012-2017 jyldary QR Prezıdenti Іs basqarýshysynyń orynbasary. Qazirgi qyzmetinde - 2017 jylǵy sáýirden beri.

42 jyl buryn (1976) Qazaqstan Respýblıkasy Bas prokýratýrasynyń qylmystyq qýdalaý qyzmetiniń bastyǵy Talǵat Maratuly TATÝBAEV dúnıege keldi.

Qaraǵandy qalasynda týǵan. 1997 jyly Qazaqstan Respýblıkasy Bas tergeý komıtetiniń Qaraǵandy joǵary mektebin bitirgen. 1997-2005 jyldary - Qaraǵandy oblysynyń ishki ister bas basqarmasynyń tergeýshisi, aǵa tergeýshisi, bólim bastyǵynyń orynbasary, basqarma bastyǵynyń orynbasary. 2005-2009 jyldary - Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) bólim bastyǵy, bastyqtyń orynbasary, basqarma bastyǵy. 2009-2012 jyldary - Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) Tergeý departamenti bastyǵynyń orynbasary, Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) Sybaılas jemqorlyq týraly isterdi ashý jáne aldyn alý departamentiniń bastyǵy. 2012-2013 jyldary - Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) Astana qalasy boıynsha departamenti bastyǵynyń orynbasary, Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) Sybaılas jemqorlyq týraly isterdi ashý jáne aldyn alý departamenti bastyǵynyń orynbasary, birinshi orynbasary. 2013-2014 jyldary - Qazaqstan Respýblıkasy Prezıdenti Ákimshiliginiń quqyq qorǵaý júıesi bólimi meńgerýshisiniń orynbasary. 2014-2016 jyldary - Memlekettik qyzmet isteri jáne sybaılas jemqorlyqqa qarsy is-qımyl agenttiginiń Sotqa deıingi tergeý departamentiniń basshysy. 2016 jyly qańtarda Sybaılas jemqorlyqqa qarsy is-qımyl ulttyq bıýrosy (Sybaılas jemqorlyqqa qarsy qyzmet) tóraǵasynyń orynbasary bolyp taǵaıyndaldy. 2016-2018 jyldary - QR Memlekettik qyzmet isteri jáne sybaılas jemqorlyqqa qarsy is-qımyl agenttigi Sybaılas jemqorlyqqa qarsy is-qımyl ulttyq bıýrosynyń (Sybaılas jemqorlyqqa qarsy qyzmet) basshysy. Qazirgi qyzmetinde 2018 jylǵy shildeden bastap.

«Qurmet», ІІ dárejeli «Dańq» ordenderimen, «Qazaqstan Respýblıkasynyń Konstıtýtsııasyna 20 jyl», «Qazaqstan Respýblıkasynyń táýelsizdigine 20 jyl» mereıtoılyq medaldarymen marpattaldy.

817 jyl buryn (1201-1274) frantsýz teology, Sorbon úıi dep atalatyn Parıj kolledjiniń negizin qalaýshy Rober de SORBON  dúnıege keldi.

78 jyl buryn (1940-1980) aǵylshyn mýzykanty, ánshi, aqyn, The Beatles tobynyń múshesi, kompozıtor, sýretshi, jazýshy Djon LENNON dúnıege keldi.