9 qazan kúni Qazaqstanda ótetin mańyzdy sharalar

NUR-SULTAN

Saǵat 09.00-de «Hılton» qonaq úıinde QR Syrtqy ister mınıstri M. Tileýberdi, EQYU-nyń Ortalyq Azııadaǵy mıssııalarynyń basshylary, BUU-nyń Aýǵanstanǵa kómek kórsetý jónindegi mıssııasynyń jáne BUU-nyń Ortalyq Azııadaǵy preventıvti dıplomatııa jónindegi Aımaqtyq ortalyǵynyń, ShYU, AÓSShK jáne basqa uıym ókilderi, sondaı-aq ǵylymı-zertteý toptary men taldaý ortalyqtarynyń qatysýymen Aýǵanstan boıynsha EQYU dóńgelek ústeli ótedi.

Saǵat 09.00-de «Radisson» otelinde qazaqstandyq salalyq bilim jáne ǵylym qyzmetkerleri kásipodaǵynyń XIV sezi óz jumysyn bastaıdy. Onda esepti kezeńdegi jumys qorytyndylary tyńdalady.

Saǵat 10.00-de Qazaqstan Respýblıkasy Parlamenti Májilisiniń jalpy otyrysy bastalady.

Saǵat 11.30-da Senatta «Qazaqstan Respýblıkasy men Ýkraına arasyndaǵy ekstradıtsııalaý týraly shartty ratıfıkatsııalaý týraly» zań jobasyn talqylaý boıynsha Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysy ótedi.

Saǵat 11.30-da «Rıksos Prezıdent Astana» qonaq úıinde Indýstrııa jáne ınfraqurylymdyq damý mınıstrligi basshylyǵynyń jáne Belarýs Respýblıkasy delegatsııasynyń qatysýymen 15-shi saýda-ekonomıkalyq yntymaqtastyq jónindegi Qazaqstan-Belarýs Úkimetaralyq komıssııasynyń otyrysy bastalady.

Saǵat 12.40-ta Syrtqy ister mınıstrliginde Reseı Federatsııasynyń Syrtqy ister mınıstri Sergeı Lavrovtyń Qazaqstanǵa resmı saparmen kelýine oraı jıyn ótedi.

Saǵat 14.00-de Nur-Sultan qalasynan 16 shaqyrym jerde «Saryarqa» gaz qubyrynyń «altyn torabyn» dánekerleý rásimi ótkiziledi.

Saǵat 14.30-da Máńgilik el, 30 mekenjaıynda «Memlekettik basqarýǵa azamattardyń qatysýy» dıskýsııalyq alańy ótedi.

Saǵat 15.00-de Senatta qarjy jáne bıýdjet komıtetiniń «Qazaqstan Respýblıkasy men Soltústik ınvestıtsııalyq bank arasyndaǵy Qazaqstan Respýblıkasyndaǵy Soltústik ınvestıtsııalyq banktiń qyzmetin retteıtin negizdemelik kelisimdi ratıfıkatsııalaý týraly» zań jobasyn talqylaý boıynsha keńeıtilgen otyrys ótedi.

Saǵat 15.00-de «The St.Regis» qonaq úıinde Tımýr Qulybaevtyń qatysýymen Qazaqstan boks federatsııasynyń konferentsııasy ótedi.

Saǵat 15.00-de QR Ulttyq akademııalyq kitaphanasynda «Uıyqtap jatqan júrekti án oıatar» atty ánshi, kompozıtor Kentaý Nazarbektiń shyǵarmashylyǵyna arnalǵan ádebı-sazdy kesh ótedi.

Saǵat 17.00-de Q.Qýanyshbaev atyndaǵy Qazaq memlekettik akademııalyq mýzykalyq drama teatrynyń jańa maýsymy ashylady.

ALMATY

Saǵat 10.00-de InterContinental Almaty qonaq úıinde Ortalyq Azııa aımaǵy boıynsha úshjaqty kelissóz bastalady.

Saǵat 11.00-de Aurora Space alańynda pikirtalas kezdesýi ótedi. Onda belgili saıasattanýshylar men ekonomıster Ortalyq Azııadaǵy sońǵy mańyzdy ózgeristerdi, elder arasyndaǵy, eń aldymen ekonomıkalyq máselelerde, sondaı-aq jalpy óńirlik máselelerdi sheshýde tyǵyz yntymaqtastyq múmkindikterin talqylaıdy.

Saǵat 12.00-de Qazaqstan baspasóz klýbynda «Tabıǵat» jańa ekologııalyq partııasynyń qurylýyna arnalǵan baspasóz konferentsııasy ótedi. Іs-sharanyń basty spıkeri - «Tabıǵat» ekologııalyq odaǵynyń kóshbasshysy Mels Eleýsizov.

Saǵat 13.15-te Kemertoǵan kentinde (Almaty oblysy) BUUDB halyqaralyq uıymy bıosanalýandyqty saqtaý, jerdiń tozýy jáne klımattyń ózgerýi baǵdarlamasy aıasynda EcoFermer bilim berý ortalyǵyna kóshpeli sessııa ótkizedi.

Saǵat 14.00-de Qazaqstan baspasóz klýbynda Grand Prix Bushido Qazaqstan týrnırine arnalǵan baspasóz konferentsııasy ótedi. MMA BUSHIDO - álemdik juldyzdardyń qatysýymen aralas jekpe-jek boıynsha týrnırler ótkizetin Eýropanyń eń iri promoýterlik kompanııasy.

Saǵat 15.00-de Qurmanǵazy jáne Baıseıitova kósheleriniń qıylysyndaǵy saıabaqta qazaqstandyqtardy ósimdik álemine, atap aıtqanda sekseýilge uqypty qaraýǵa shaqyratyn «4 tonna qum» art-ınstallıatsııasynyń tusaýkeseri ótedi.

Saǵat 15.00-de QR Ulttyq kitaphanasynyń N. Dáýletova atyndaǵy zalynda aqyn, qazaq ádebıetiniń klassıgi Іlııas Jansúgirovtiń týǵanyna 125 jyl tolýyna arnalǵan ádebı kesh jáne TÚRKSOI Halyqaralyq uıymynyń bastamasymen jaryq kórgen «Úsh arys» kitap-albomynyń tusaýkeseri ótedi.

Saǵat 19.00-de Memlekettik koreı mýzykalyq komedııa teatrynda «Aǵash» spektakliniń premerasymen 88-teatr maýsymy ashylady.