9 qazan kúni elimizde bolatyn mańyzdy sharalar ańdatpasy
NUR-SULTAN
Saǵat 9.00-de S.Seıfýllın atyndaǵy QazATÝ-da «Qazaqstanda ınklıýzııany damytý: Teorııa jáne praktıka» atty halyqaralyq ǵylymı-praktıkalyq konferentsııasy ótedi.
11: 00-de Qazaqstan Respýblıkasy Prezıdentiniń janyndaǵy Qazaqstandyq strategııalyq zertteýler ınstıtýtynda «Nur Otan» partııasynyń praımerıziniń qorytyndylary boıynsha dóńgelek ústel ótedi.
11.00-de QR Básekelestikti qorǵaý jáne damytý agenttiginiń alańynda Monopolııaǵa qarsy qyzmettiń ashyq keńistik formatyndaǵy jumysynyń ashyqtyǵy týraly deklaratsııa sheńberinde taýar naryqtaryndaǵy qatysýshylardyń problemalary men shaǵymdaryn onlaın talqylaý ótedi. Osy is-shara barysynda «Bırjalyq saýdany damytý» taqyryby boıynsha suraqtar qarastyrylady.
11.00-de «TOM: Nur-Sultan» 72 saǵattyq meıkaton marafonynyń birinshi kezeńi ótedi. Onda múmkindikteri shekteýli adamdardyń ómirin jeńildetetin jáne jaqsartatyn prototıpter, gadjetter, qurylǵylar jasalady. Іs - sharany Nur-Sultan qalasynyń Jastar saıasaty máseleleri basqarmasy, «Astana jastary» jastar resýrstyq ortalyǵy, Nazarbaev ýnıversıtetiniń ınnovatsııalyq klasteriniń Fab Lab, Tel-Avıv ýnıversıtetiniń dostar qaýymdastyǵy uıymdastyrady.
16.30-da QR Prezıdenti janyndaǵy Ortalyq kommýnıkatsııalar qyzmetinde Memleket basshysynyń Qazaqstan halqyna Joldaýynda bergen tapsyrmalaryn júzege asyrýdyń barysy týraly baspasóz konferentsııasy ótedi. Spıker: Eńbek jáne halyqty áleýmettik qorǵaý mınıstri Birjan Nurymbetov.
ALMATY
11.00-de «Mega Park» alańynda Almaty qalasy QKHP aýdandyq komıtetteri arasynda «QKHP Almaty qalalyq komıtetiniń kýbogy» úshin mını-fýtboldan týrnır ótedi.
