9 qazan. Kazinform kúntizbesi. Tulǵalar týǵan kún

Amangeldi QÝANALIEV, «PVASS» ShJQ RMK Atyraý fılıalynyń dırektory 

1954 jyly Atyraý oblysynda dúnıege kelgen. 1978 jyly Lenın atyndaǵy Qazaq polıtehnıkalyq ınstıtýtyn, 1985 jyly Almaty halyq sharýashylyǵy ınstıtýtyn bitirgen.

Eńbek joly: Memlekettik qyzmetterde jumys istegen. Atap aıtqanda, Gýrev oblystyq atqarý komıtetinde jetekshi ekonomıst, Almaty qalasy jáne Almaty oblysy ákiminiń orynbasarynyń keńesshisi boldy. Tótenshe jaǵdaılar komıtetiniń Almaty qalasyndaǵy bas ekonomısi, halyqaralyq «SSS» kompanııasynyń Úkimetpen baılanys jónindegi bas menedjeri qyzmetterin atqardy. Atyraý qalasy ákimdiginiń Mehanıkalandyrý jáne kólik basqarmasynyń bastyǵy, «Atyraýózenporttary» AQ prezıdenti, «Neftegazvodstroı» JShS dırektory boldy. 2018-2021 jyldary Mańǵystaý oblysy fılıalynyń avarııalyq qutqarý qyzmetiniń basshysy bolyp taǵaıyndaldy.

Qazirgi qyzmetin 2021 jylǵy jeltoqsannan bastap atqaryp keledi.

Ámirhan RAHYMJANOV, Sársen Amanjolov atyndaǵy Shyǵys Qazaqstan ýnıversıteti Dırektorlar keńesiniń tóraǵasy

1960 jyly Semeı oblysynda dúnıege kelgen. 1987 jyly Semeı pedagogıkalyq ınstıtýtyn tarıh jáne qoǵamtaný pánderiniń muǵalimi mamandyǵy boıynsha, keıin Semeı bıznes jáne kásipkerlik ınstıtýtyn, 2000 jyly Qazaq qarjy-ekonomıkalyq ınstıtýtyn ekonomıst mamandyǵy boıynsha támamdaǵan.

Eńbek jolyn 1977 jyly Semeı oblysy Úrjar aýdanyndaǵy Chapaev atyndaǵy kolhozda jumysshy bolyp bastaǵan. 1980-1984 jyldary kolhozda slesar, Jangeldın atyndaǵy orta mektepte muǵalim qyzmetin atqardy. 1984-1987 jyldary kolhoz komsomol komıtetiniń hatshysy, mektepten tys jumystardy uıymdastyrýshy, Lenın atyndaǵy kolhoz partııa komıtetiniń hatshysy boldy. 1987-1991 jyldary sovhoz partııa komıtetiniń hatshysy, Úrjar aýdandyq partııa komıtetiniń nusqaýshysy jáne saıası aǵartý kabınetiniń meńgerýshisi qyzmetterin atqardy. 1991-1994 jyldary keshki mekteptiń, tolyq emes orta mekteptiń, keıin Abaı atyndaǵy mektep-lıtseıdiń dırektory boldy. 1994-1997 jyldary Semeı oblystyq bilim departamenti basshysynyń orynbasary, oblystyq pedagog kadrlardyń biliktiligin arttyrý ınstıtýtynyń dırektory, Semeı qalalyq bilim basqarmasynyń basshysy jáne oblystyq bilim departamenti basshysynyń birinshi orynbasary qyzmetterin atqardy. 1997-1999 jyldary Shyǵys Qazaqstan oblysynyń Besqaraǵaı aýdanynyń ákimi boldy. 1999-2001 jyldary Qazaqstan Respýblıkasy Densaýlyq saqtaý, bilim jáne sport mınıstrliginiń Orta jáne kásiptik bilim komıteti basqarmasynyń basshysy, Qazaqstan Respýblıkasy Bilim jáne ǵylym mınıstrliginiń Jalpy orta bilim departamenti dırektorynyń orynbasary qyzmetterin atqardy. 2001-2003 jyldary Qazaqstan Respýblıkasy Premer-Mınıstri Keńsesiniń áleýmettik-mádenı damý bólimi sektor meńgerýshisi, bólim meńgerýshisiniń orynbasary boldy. 2003-2006 jyldary Astana qalasy Bilim departamentiniń basshysy, 2006 jyly Qazaqstan Respýblıkasy Prezıdenti Ákimshiliginiń bas ınspektory qyzmetin atqardy. 2006-2007 jyldary Aqtóbe oblysy ákiminiń orynbasary boldy. 2007-2008 jyldary Qazaqstan Respýblıkasynyń Mádenıet jáne aqparat vıtse-mınıstri, 2008-2010 jyldary Astana qalasy ákiminiń orynbasary boldy. 2010-2012 jyldary «Nur Otan» HDP Astana qalalyq fılıaly tóraǵasynyń birinshi orynbasary, 2012-2014 jyldary Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý-aýmaqtyq jumysy bóliminiń meńgerýshisi qyzmetterin atqardy. 2014-2015 jyldary Qazaqstan Respýblıkasy Parlamenti Májilisiniń depýtaty, Ekonomıkalyq reforma jáne óńirlik damý komıtetiniń múshesi boldy. 2015-2017 jyldary Qazaqstan Respýblıkasy Bilim jáne ǵylym mınıstrliginiń jaýapty hatshysy qyzmetin atqardy. 2017-2021 jyldary Qazaqstan Respýblıkasynyń Tuńǵysh Prezıdenti kitaphanasy dırektorynyń orynbasary, keıin dırektory boldy. 2021-2023 jyldary Qazaqstan Respýblıkasy Parlamenti Májilisiniń VII shaqyrylym depýtaty, Ekonomıkalyq reformalar jáne óńirlik damý komıtetiniń múshesi boldy.

Qazirgi qyzmetin 2023 jylǵy jeltoqsannan bastap atqaryp keledi.

«Qurmet» ordenimen (2010), birqatar medaldarmen marapattalǵan.

Azat SULTANOV, Qazaqstan Respýblıkasynyń aýyl sharýashylyǵy vıtse-mınıstri

1984 jyly Almaty qalasynda dúnıege kelgen. 2006 jyly Qazaq memlekettik zań akademııasyn, 2007 jyly Qazaq gýmanıtarlyq zań ýnıversıtetin támamdaǵan.

Eńbek jolyn 2006 jyly «Úmit» emdeý-saýyqtyrý ortalyǵy» JShS-da zańger bolyp bastaǵan. 2007-2010 jyldary Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıteti Zań basqarmasynda memlekettik múlikpen mámilelerdi quqyqtyq qamtamasyz etý jáne quryltaı qujattaryn taldaý bóliminiń jetekshi mamany, sarapshysy, keıin bas sarapshysy qyzmetterin atqardy. 2010 jyly QR AShM AÓK Innovatsııalyq saıasat jáne joǵary bilim basqarmasynyń bas sarapshysy, 2010-2012 jyldary aýyl sharýashylyǵy mınıstriniń kómekshisi boldy. 2012 jyly Aýyl sharýashylyǵy mınıstrliginiń Ákimshilik qamtamasyz etý departamenti dırektorynyń orynbasary, 2012-2014 jyldary Kadrlyq jáne ákimshilik qamtamasyz etý departamenti dırektorynyń orynbasary qyzmetterin atqardy. 2014-2015 jyldary Investıtsııalyq saıasat jáne qarjy quraldary departamenti dırektorynyń orynbasary, keıin dırektory boldy. 2015-2016 jyldary Halyqaralyq yntymaqtastyq jáne ekonomıkalyq ıntegratsııa departamentiniń dırektory, 2016-2017 jyldary Tamaq qaýipsizdigi departamenti dırektorynyń orynbasary qyzmetin atqardy. 2017-2018 jyldary Ǵylymı-tehnologııalyq jáne tehnıkalyq saıasat departamentin, 2018-2023 jyldary Eginshilik sharýashylyǵy ónimderin óndirý jáne qaıta óńdeý departamentin basqardy.

Qazirgi qyzmetin 2023 jylǵy qazannan bastap atqaryp keledi.

Vladımır KIıAN, Qazaqstan Respýblıkasy Quryltaıynyń depýtaty

1985 jyly dúnıege kelgen. 2008 jáne 2010 jyldary Sáken Seıfýllın atyndaǵy Qazaq agrotehnıkalyq zertteý ýnıversıtetin, 2014 jyly L.N. Gýmılev atyndaǵy Eýrazııa ulttyq ýnıversıtetin támamdaǵan. 2016 jyly Tehas ýnıversıtetiniń M.D. Anderson onkologııalyq ortalyǵynda bilim alǵan.

Eńbek jolyn 2006 jyly Sáken Seıfýllın atyndaǵy Qazaq agrotehnıkalyq ýnıversıteti janyndaǵy Bıotehnologııa ǵylymı-zertteý ınstıtýtynda kishi ǵylymı qyzmetker bolyp bastap, keıin ǵylymı qyzmetker qyzmetin atqardy (2006-2010). 2008-2012 jyldary Sáken Seıfýllın atyndaǵy Qazaq agrotehnıkalyq ýnıversıtetiniń «Morfologııa, mıkrobıologııa jáne bıotehnologııa» kafedrasynyń assıstenti, 2014-2019 jyldary Mıkrobıologııa jáne bıotehnologııa kafedrasynyń aǵa oqytýshysy boldy. 2018-2020 jyldary atalǵan ýnıversıtettiń Aýyl sharýashylyǵy bıotehnologııasy ǵylymı-zertteý platformasyn basqardy. 2020-2021 jyldary Ǵylym departamentiniń dırektory qyzmetin atqardy. 2021-2022 jyldary Nazarbaev Ýnıversıtetiniń «National Laboratory Astana» jeke mekemesinde jetekshi ǵylymı qyzmetker, 2022 jyly Ulttyq bıotehnologııa ortalyǵy bas dırektorynyń ǵylym jónindegi orynbasary boldy. 2023-2026 jyldary Ulttyq bıotehnologııa ortalyǵynyń Bıoalýantúrlilik jáne genetıkalyq resýrstar zerthanasynyń meńgerýshisi qyzmetin atqardy.

2026 jylǵy tamyzdan bastap Qazaqstan Respýblıkasy Quryltaıynyń depýtaty.

Adıl SEIFÝLLIN, predsedatel pravlenııa AO «Qazcontent»

Rodılsıa v 1995 godý v Akmolınskoı oblastı. Okonchıl Evrazııskıı natsıonalnyı ýnıversıtet ım. L.N. Gýmıleva (2017) spetsıalnost «Jýrnalıstıka»; Evrazııskıı natsıonalnyı ýnıversıtet ım. L.N. Gýmıleva (2019) magıstr sotsıalnyh naýk.

Trýdovaıa deıatelnost: sovetnık predsedatelıa pravlenııa «Agentstva «Habar»; zamestıtel dırektora departamenta prodvıjenııa proektov AO «MIA «KAZINFORM»; sovetnık mınıstra kýltýry ı ınformatsıı Respýblıkı Kazahstan (2026).

Na zanımaemoı doljnostı s ııýlıa 2026 goda.

Ádil SEIFÝLLIN, «Qazcontent» AQ Basqarma tóraǵasy

1995 jyly Aqmola oblysynda dúnıege kelgen. 2017 jyly L.N. Gýmılev atyndaǵy Eýrazııa ulttyq ýnıversıtetin «Jýrnalıstıka» mamandyǵy boıynsha támamdaǵan. 2019 jyly osy oqý ornynda áleýmettik ǵylymdar magıstri dárejesin alǵan.

Eńbek jolynda «Habar» agenttigi» Basqarma tóraǵasynyń keńesshisi, «Kazinform» halyqaralyq aqparat agenttigi» AQ Jobalardy ilgeriletý departamenti dırektorynyń orynbasary qyzmetterin atqarǵan. 2026 jyly Qazaqstan Respýblıkasynyń Mádenıet jáne aqparat mınıstriniń keńesshisi boldy.

Qazirgi qyzmetin 2026 jylǵy shildeden bastap atqaryp keledi.

Nurǵısa ÁDІLETULY, qazaqstandyq aýyr atlet, álem chempıonatynyń kúmis júldegeri, Azııa chempıony

2000 jyly Shymkent qalasynda dúnıege kelgen.

2019 jyly jasóspirimder arasyndaǵy Azııa chempıonatynda kúmis medal jeńip aldy. 2020 jyly jasóspirimder arasyndaǵy Azııa chempıonatynda jeńimpaz atandy. 2022 jyly 96 kelige deıingi salmaq dárejesinde álem chempıonatynda qos saıys qorytyndysy boıynsha 383 keli nátıjemen kúmis júldege ıe boldy. 2023 jyly qurlyq chempıonatynda altyn medal jeńip aldy. 2024 jyly Bahreınniń Manama qalasynda ótken álem chempıonatynda 96 kelige deıingi salmaq dárejesinde top jardy.