9 qazaqstandyq kásiporyn Qytaıdyń tamaq ónimderine jatpaıtyn taýarlar tizilimine endi
ASTANA. KAZINFORM — Alǵash ret 9 qazaqstandyq kásiporyn Qytaı Halyq Respýblıkasynyń azyq-túliktik emes tizilimine engizildi. Bul qadam qazaqstandyq ónim óndirýshilerge mal sharýashylyǵy ónimderin Qytaı naryǵyna eksporttaýda jańa múmkindikter ashady. Bul týraly AShM málim etti.
— Qazaqstan men QHR arasyndaǵy ekijaqty saýda áleýetin damytý sheńberinde, sondaı-aq barlyq tehnıkalyq jáne quqyqtyq aspektilerdi kelisý jáne talqylaý nátıjeleri boıynsha 2024 jylǵy qarashada QR AShM men QHR Bas keden basqarmasy arasynda iri qara malynyń terisine qatysty hattamaǵa qol qoıyldy, — delingen habarlamada.
Veterınarııalyq baqylaý jáne qadaǵalaý komıteti qytaılyq tarappen tyǵyz ózara is-qımylda eksporttyq jetkizilimderdi tolyqqandy iske qosý úshin qajetti veterınarııalyq sertıfıkat nysanyn kelisý jumystaryn júrgizip jatyr.
Birlesken jumystyń nátıjesinde QHR-nyń azyq-túliktik emes tizilimine 9 qazaqstandyq kásiporyn engizildi. Onyń ishinde 7 kompanııa ІQM terisin jınaý, óńdeý jáne eksporttaýmen, al 2 kompanııa artemııa tsıstasyn óndirý jáne eksporttaýmen aınalysady.
Bul qadam qazaqstandyq óndirýshilerdiń eksporttyq áleýetin keńeıtý jáne otandyq ónimdi syrtqy naryqtarǵa ilgeriletý baǵytyndaǵy mańyzdy jetistik.
Komıtet mal sharýashylyǵy ónimderiniń eksporttalatyn nomenklatýrasyn keńeıtý, sondaı-aq jańa qazaqstandyq kásiporyndardy Qytaı tizilimine engizý boıynsha belsendi jumys júrgizýdi jalǵastyrýda.
Atalǵan sharalar Qazaqstan men Qytaı arasyndaǵy saýda-ekonomıkalyq yntymaqtastyqty nyǵaıtýǵa jáne qazaqstandyq ónimniń sheteldegi básekege qabilettiligin arttyrýǵa baǵyttalǵan.
Kompanııalar tizimimen QHR-nyń azyq-túliktik emes tiziliminiń resmı saıtynda tanysýǵa bolady.