9 kásiporyn daǵdarystan keıingi qalpyna keltirý baǵdarlamasy boıynsha irikteldi
ASTANA. 1 mamyr. QazAqparat - Daǵdarystan keıingi qalpyna keltirý baǵdarlamasy (básekege qabiletti kásiporyndardy saýyqtyrý) aıasynda 9 kásiporyn maquldandy,
dep habarlady QR Qarjy mınıstrliginiń baspasóz qyzmetinen Pm.kz saıtyna.
«Búgingi tańda 41 kásiporyn baǵdarlamanyń ekinshi kezeńine ótti, onyń ishinde 9 kásiporyn baǵdarlama qatysýshysy bolyp irikteldi», - delingen habarlamada.
Atap aıtqanda, «Kóterme saýda klýby» JShS, «MEGA Center Astana» JShS, «MEGA Center Alma-Ata» JShS, «MEGA Center Shymkent» AQ, «MEGA Center Aktobe» JShS, «Raimbek Bottlers» JShS, «Raimbek Agro» JShS, «Good Food company» JShS, «Maslo-del» JShS maquldaýǵa ıe boldy.
Bul uıymdar Qazaqstannyń barlyq óńirin derlik jáne ekonomıkanyń kóptegen salalaryn qamtıdy. Olardyń nesıelerin sýbsıdııalandyrý úshin sýbsıdııalandyrý operatoryna 1 600,6 mln. teńge somasynda qarjy bólindi.
Qalǵan 32 kásiporynǵa qatysty materıaldar saýyqtyrý Keńesiniń jumys organynda saýyqtyrý josparlaryn nesıe berýshiler komıteti bekitken soń Saýyqtyrý keńesiniń qarýyna shyǵarylady.
Baǵdarlama elimizdiń básekege qabiletti kásiporyndaryn shyǵynǵa ushyratqan daǵdarys saldarlaryn joıýǵa negizdelgen. Baǵdarlamany iske asyrý barysynda óndiristerdiń qarjylaı qoldaýymen qatar jumys oryndaryn barynsha saqtaýdyń áleýmettik máseleleri basymdyqqa ıe bolyp otyr.
