9 qarashada Pavlodar oblysynda 9 blokpost qoıylady
- Pavlodar qalasynyń aýmaǵynda 5 blok beket qoıylady. Beketter kóktemdegi oryndaryna ornatylady. Aqsýda 2 blok beket qoıylady. Olar Aqsý-Evgenevka baǵytyndaǵy jolda jáne Aqsý kenti men MAES mańynda bolady. Sondaı-aq indet órship turǵan Shyǵys Qazaqstan oblysymen shekaralasatyn Aqqýly jáne Maı aýdandarynda blok beketter ornatylady, - dedi Jasqaırat Qaıyrov.
Blok beketterden pvlinfo.kz ruqsat berý saıtyna tirkelgender, jumys ornynan anyqtamalary bar adamdar jáne medıtsınalyq qyzmet alýǵa kelgender ǵana ótkiziledi.
- Oǵan qosa, oblysta monıtorıng toptarynyń sany 22-den 40-qa deıin jetkiziledi. Otbasylyq jáne basqa da sharalar ótkizýge, karantındik talptardy saqtaýǵa qatysty qatań baqylaý jasalady. Ereje buzýshylyqtar anyqtalsa, 83 myńnan 4 mıllıon teńgege deıin aıyppul salynady, - dedi polıtsııa departamenti basshysynyń birinshi orynbasary.
Sonymen qatar, qalaaralyq, aýdanaralyq jolaýshylar tasymaly toqtaıdy. Tek qala mańyndaǵy jáne qala ishindegi qoǵamdyq kólikter jumys kúnderi ádettegideı qozǵalysyn jalǵastyrady. Al, demalys kúnderi toqtaıdy.
- Temir jol qatynasyna kelsek, buǵan deıin Pavlodar-Almaty baǵytyndaǵy №31 poıyz kún saıyn qatynaıtyn. Endi kún aralap júretin bolady. Ýaqyttary keıin habarlanady. Ol poıyz tek iri stantsııalarda ǵana toqtaıdy. Olar: Pavlodar, Ekibastuz, Aqsý, Bozshakól stantsııalary. Ushaqpen ushý kezinde jáne poıyzdarǵa minerde PTsR nátıjesi qajet emes, - dedi Pavlodar oblysy jolaýshylar kóligi jáne avtomobıl joldary basqarmasy basshysynyń m.a. Dıana Muhanova.