9 qarasha. Týǵan kún ıeleri
ESІMDER
61 jyl buryn (1957) Qazaqstanda alǵashqy EKO klınıkasynyń negizin qalaýshy, «Ekomed» adam reprodýktsııasy klınıkalar tobynyń bas dırektory Batyr Qarataıuly BEKMUSAEV dúnıege keldi.
Ol Jambyl oblysy Sarysý aýdanyna qarasty Baıqadam aýylynda týǵan.
Almaty energetıkalyq ınstıtýtyn «Jylý-energetıka» mamandyǵy boıynsha támamdaǵan (1980).
Alǵashqy eńbek qadamyn respýblıkalyq «Kazenergonaladka» arnaıy kásiporynnan bastaǵan. 1983 jyly Almaty kondıterlik fabrıkasy komsomol komıtetiniń hatshysy bolyp taǵaıyndaldy. Keıin Úshtóbe qalasynyń Qaratal aýdandyq partııa komıtetinde nusqaýshy qyzmetin atqardy. Sonymen birge, Almaty oblystyq komsomol komıtetiniń jaýapty uıymdastyrýshysy boldy.
1990 jyly Batyr Bekmusaev Tabıǵatty qorǵaý memlekettik komıtetiniń syrtqy baılanys basqarmasyna qyzmetke aýysqan.
1991 jyly «Syrym» shaǵyn kásipornynyń negizin qalady.
1995 jyly jary Saltanat Baıqoshqarovamen Qazaqstanda tuńǵysh ret EKO zerthanasyn ashady.
2010 jyly Ulttyq medıtsına qaýymdastyǵy keıipkerimizdi otandyq densaýlyq saqtaý salasyna qosqan orasan zor úlesi men eren eńbegi úshin «Aqnıet» atalymymen marapattady.
59 jyl buryn (1959) Qazaqstan Respýblıkasy qorǵanys mınıstriniń birinshi orynbasary - QR Qarýly kúshteri bas shtabynyń basshysy, general-leıtenant - Murat Jáleluly MAIKEEV dúnıege keldi.
Aqtóbe qalasynda dúnıege kelgen. 1980 jyly Almaty joǵary jalpy áskerı komandalyq ýchılışesin, 1994 jyly M.V.Frýnze atyndaǵy Áskerı akademııany támamdaǵan. Qyzmetin motoatqyshtar polki motoatqyshtar vzvodynyń komandıri bolyp bastaǵan. 1983 jyldan - motoatqyshtar rotasynyń komandıri. 1987-1991 jyldary - motoatqyshtar batalony shtabynyń bastyǵy - komandırdiń orynbasary, komandıri. 1994 jyldan - QR Respýblıkalyq gvardııasynyń batalon komandıri, brıgada komandıriniń orynbasary, polk komandıri. 1998 jyldan - motoatqyshtar dıvızııasy komandıriniń orynbasary, komandıri. 2000 jyldan - QR QM Tárbıelik jáne áleýmettik-quqyq jumys departamentiniń bastyǵy. 2003 jyldan - Aeromobıl áskerleriniń qolbasshysy. 2009 jyldan QM Shtab bastyqtary komıteti tóraǵasynyń orynbasary 2010 jyldan bastap - Qazaqstan Qarýly Kúshteri Qurlyq áskerleriniń bas qolbasshysy.
2016 jyldyń qyrkúıek aıynan bastap qazirgi qyzmetinde.
III dárejeli «Otanǵa qyzmeti úshin», II dárejeli «Aıbyn» ordenderimen, medaldarmen marapattalǵan. General-maıor.
58 jyl buryn (1960) Qazaqstan Respýblıkasy Ortalyq saılaý komıssııasynyń hatshysy Sábıla Saparqyzy MUSTAFINA dúnıege keldi.
Aqmola oblysynda týǵan. Tselınograd aýyl sharýashylyǵy ınstıtýtyn BLKJO OK janyndaǵy Joǵary komsomol mektebin bitirgen.
1982-1983 jyldary - Tselınograd zaýytynyń aǵa ekonomısi. 1983-1985 jyldary - Tselınograd aýyl sharýashylyǵy ınstıtýtynda oqytýshy, komsomol komıtetiniń hatshysy. 1985-1991 jyldary - Sovet aýdandyq komsomol komıtetiniń birinshi hatshysy, Qazaqstan LKJO Tselınograd oblystyq komıtetiniń ekinshi hatshysy. 1991-1995 jyldary - Qazaqstan LKJO OK hatshysy, Qazaqstan Jastar odaǵy OK hatshysy. 1995-1996 jyldary - «Aısar» JShS bas dırektorynyń orynbasary. 1996-1999 jyldary - Respýblıkalyq bıýdjettiń oryndalýyn baqylaý jónindegi Esep komıtetiniń konsýltanty. 1999-2002 jyldary - QR Prezıdenti janyndaǵy Otbasy isi boıynsha Ulttyq komıssııa hatshylyǵynyń meńgerýshisi. 2002-2003 jyldary - QR Prezıdenti Keńsesiniń memlekettik ınspektory. 2004 jylǵy sáýir-qarasha aılarynda - QR Memlekettik hatshysynyń bas ınspektory. 2004-2006 jyldary - Astana qalasy ákiminiń orynbasary. QR Prezıdenti Ákimshiligi ishki saıasat bóliminiń áleýmettik sala sektorynyń meńgerýshisi. 2008-2011 jyldary - Astana qalasy Saryarqa aýdanynyń ákimi. 2011-2016 jyldary - Astana qalasy Esil aýdanynyń ákimi. 2016 jylǵy 30 qyrkúıekte Prezıdent Jarlyǵymen Qazaqstan Respýblıkasy Ortalyq saılaý komıssııasynyń múshesi bolyp taǵaıyndaldy. Qazirgi qyzmetinde 2017 jylǵy shildeden beri.
«Qazaqstan Respýblıkasynyń Táýelsizdigine 10 jyl», «Qazaqstan Konstıtýtsııasyna 10 jyl», «Astananyń 10 jyldyǵy» medaldarymen marapattalǵan.
55 jyl buryn (1963) «Qazaqstan» RTRK» AQ Aqmola oblystyq fılıalynyń dırektory - Álibek Jartaıuly TATANOV dúnıege keldi.
Aqtóbe oblysynda týǵan. 1990 jyly S.M.Kırov atyndaǵy Qazaq memlekettik ýnıversıtetin támamdaǵan. Eńbek jolyn 1978 jyly Aqtóbe oblysynyń Taldyq aýylynda mehanızator bolyp bastaǵan. 1983-1985 jyldary Keńes áskeri qyzmetinde bolyp, «Keńes áskeri» gazetiniń Ortalyq ásker toby boıynsha Chehoslovakııadaǵy menshikti tilshisi qyzmetin atqarǵan. 1986-1990 jyldary Aqtóbe oblystyq telearnasynyń aǵa redaktory, KSRO Ortalyq televıdenıesiniń televızııalyq materıaldardy daıyndaý boıynsha aımaqtyq ókili. 1990-1995 jyldary Aqtóbe oblystyq SMK komıtetiniń tóraǵasy, «Kazkommertsbank» AF keńesiniń tóraǵasy, «Urpaq úni - Vestnık molodejı» oblystyq jastar gazetiniń redaktsııa alqasy tóraǵasy. 1986-1991 jyldary Halyq depýtattary keńesiniń Aqtóbe oblysy boıynsha Atqarý komıtetiniń telearna jáne radıohabarlaryn taratý qyzmetiniń redaktory. 1991-1996 jyldary Qazaqstan Jastar birlestigi Aqtóbe oblystyq komıtetiniń birinshi hatshysy, «Birlik» jastar kontserniniń prezıdenti. 1996-1997 jyldary Qazaqstan Jastar birlestigi Ortalyq komıtetiniń birinshi hatshysynyń orynbasary. 1997-2001 jyldary Qazaqstan Respýblıkasy Jastar uıymdary ulttyq keńesiniń hatshysy. 2001-2002 jyldary «Atyraý-Aqparat» Memlekettik medıaholdınginiń tóraǵasy. 2003-2006 jyldary «Elıtstroı» JShS Atyraý fılıalynyń dırektory qyzmetterin atqarǵan. 2006-2008 jyldary «Qazaqstan» RTRK» AQ Jambyl oblystyq fılıalynyń dırektory. 2008-2009 jyldary «Qazaqstan» RTRK» AQ Soltústik Qazaqstan oblystyq fılıalynyń dırektory. Astana qalasyndaǵy «Mır» memleketaralyq teleradıokompanııasynyń Astana fılıalynyń jetekshisi. 2010 -2013 jyldary «Qazaqstan» RTRK» AQ Atyraý oblystyq fılıalynyń dırektory qyzmetterin atqarǵan. 2013-2017 jyldary «Qazaqstan» RTRK» AQ Qostanaı oblystyq fılıalynyń dırektory.
2017 jyldyń naýryz aıynan bastap qazirgi qyzmetinde.
«Qazaqstannyń qurmetti jýrnalısi» belgisimen marapattalǵan. Búkilodaqtyq televızııalyq fılmder konkýrsynyń jáne Qazaqstan Respýblıkasy Jastar odaǵy syılyǵynyń laýreaty. Fılologııa ǵylymynyń kandıdaty.
52 jyl buryn (1966) «Qazaqstan ınjınırıng» ǵylymı-zertteý ınstıtýty» JShS basqarmasynyń tóraǵasy - Dýlat Manatuly ÁLІMJANOV dúnıege keldi.
Tselınograd oblysynda dúnıege kelgen. Ál-Farabı atyndaǵy Qazaq ulttyq memlekettik ýnıversıtetin matematıka mamandyǵy boıynsha (1994); Búkilreseılik qarjy-ekonomıkalyq ınstıtýtyn, ekonomıka mamandyǵy boıynsha bitirgen (1998).
Eńbek joly: Esepteý ortalyǵynyń tehnık-operatory, tóraǵa kómekshisi, Qazaqstan Respýblıkasy Ulttyq banki tóraǵasynyń basqarma qyzmetiniń basshysy (1988-1998); Qazaqstan Respýblıkasy Premer-Mınıstriniń birinshi orynbasarynyń kómekshisi (1998-1999); QR qarjy mınıstrligi ákimshilik departamentiniń dırektory (1999-2000); Qazaqstandaǵy HVQ bas ókildiginiń ekonomısi, bas basqarýshysy (2000-2004); «Qazaqstandyq ıpotekalyq nesıege kepildik berý qory» AQ basqarmasynyń tóraǵasy (2004-2006); «NTS Qazaqstan» JShS prezıdentiniń ekonomıka jónindegi keńesshisi, «NTC-regıstrator» AQ dırektorlar keńesiniń múshesi (2006-2008); «Samuryq-Qazyna» jyljymaıtyn múlik qory» AQ korporatıvtik damytý departamentiniń dırektory (2009); «Shaǵyn kásipkerlikti damytý qory» AQ monıtorıng departamentiniń dırektory, basqarýshy dırektory (2009-2010); «Astana-Fınans» AQ apparatynyń basshysy (2010-2011); «Astana-fınans» Banki aktsıonerlik qoǵamy basqarmasynyń múshesi - basqarma tóraǵasynyń orynbasary (2011 jyldan bastap).