9 qańtarda eldegi qaı joldar ashyq, qaısysy jabyq

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Ulttyq kompanııanyń málimetinshe, 2025 jylǵy 9 qańtar saǵat 08:00-degi jaǵdaı boıynsha Atyraý oblysynda respýblıkalyq mańyzy bar «Aqtóbe – Qandyaǵash – Dossor – Atyraý – RF shekarasy» avtojolynyń 710-778-shaqyrym aralyǵy (Aqqystaý kenti – Zıneden aýyly ýchaskesi) boıynsha avtokóliktiń barlyq túri úshin qozǵalys ashyq.

Jabyq joldar

Shyǵys Qazaqstan oblysynda tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde qys aıaqtalǵansha saqtalady.

Sonymen birge «Astana – Shiderti – Pavlodar – Ýspenka – RF shekarasy» avtojolyndaǵy jolaıryqtyń kópir qurylymynyń shetki arqalyqtary zaqymdanýyna baılanysty «Qalqaman» jolaıryǵy ýchaskesi jabyldy. Atap aıtqanda, Qalqaman kentine kireberis pen Astana baǵytyna shyǵatyn jol ýaqytsha jabyq.

Eske salaıyq, buǵan deıin sınoptıkter 9nqańtarda respýblıkanyń basym bóligi antıtsıklonnyń yqpalynda bolatynyn, negizinen jaýyn-shashynsyz aýa raıy saqtalatynyn habarlaǵan edi.

Elimizdiń batysynda qar aralas jańbyr jaýyp, kóktaıǵaq boljanyp otyr. Soltústikte azdaǵan qar jaýyp, jaıaý burqasyn bolady. Sondaı-aq respýblıkanyń barlyq aýmaǵyn tuman basyp, jel kúsheıedi.