9 qańtar. Tulǵalar týǵan kún
Búgin, 9 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
61 jyl buryn (1965) Petropavl qalasynyń ákimi Serik Mahsutuly MUHAMEDIEV dúnıege keldi.
Shyǵys Qazaqstan oblysy, Kókpekti aýdany, Bıǵash aýylynda týǵan. Óskemen jol-qurylys ınstıtýtyn «Injener» mamandyǵy boıynsha bitirgen.
Eńbek joly: 1989 jyly Almaty qalasyndaǵy 2562 avtokolonnasynyń paıdalaný bóliminiń bastyǵy, 2010-2016 jyldary «AVTO-Holdıngtik Kompanııa» JShS ekonomısi, kommertsııa jónindegi orynbasary, saýda-kommertsııa bóliminiń bastyǵy, dırektory, «A.G. Trade» JShS dırektory, «Dostar plıýs kompanııasy» JShS qarjy dırektory, «Dega Plus» JShS qarjy dırektory, smetalyq-sharttyq jumystardy josparlaý jáne júrgizý bóliminiń bas mamany, jolaýshylar tasymaldaýdy uıymdastyrý bóliminiń bastyǵy, jolaýshylar kóligi jáne avtomobıl joldary bólimi basshysynyń orynbasary, 2016-2021 jyldary Qurylys, sáýlet jáne qala qurylysy basqarmasynyń basshysy, 2021-2023 jyldary Soltústik Qazaqstan oblysy Ǵ.Músirepov atyndaǵy aýdan ákimi qyzmetin atqardy.
2023 jyldyń maýsym aıynan bastap qazirgi qyzmetinde.
51 jyl buryn (1975) «Habar agenttigi» AQ Basqarma tóraǵasynyń orynbasary Danııar Smadıluly MEŃІLBEKOV dúnıege keldi.
1996 jyly ál-Farabı atyndaǵy Qazaq ulttyq ýnıversıteti shyǵystaný fakýltetiniń ırantaný bólimin «shyǵystanýshy-tarıhshy» mamandyǵy boıynsha bitirgen.
Eńbek joly: 1996-1999 jyldary aýdarmashy bolyp jumys istedi. 1999-2000 jyldary «NTK» telearnasynda tilshi, shyǵarýshy redaktor, 2000-2005 jyldary «Almaty – Ońtústik astana» telearnasynda tilshi, shyǵarýshy redaktor, baǵdarlamalardyń júrgizýshisi, 2000-2011 jyldary «Rýsskoe radıo Azııa» jýrnalısi, jaýapty redaktory, bas redaktory, 2005-2010 jyldary «Habar» telearnasynda «Aqshań bolsa» baǵdarlamasynyń júrgizýshi-redaktory, «Qazaqstan» telearnasyndaǵy «Kapıtal álippesi» jáne «Bıznes aqparat» baǵdarlamalarynyń júrgizýshi-redaktory, 2011-2014 jyldary QR Densaýlyq saqtaý mınıstrliginiń Baspasóz hatshysy, 2014-2016 jyldary QR Densaýlyq saqtaý jáne áleýmettik damý mınıstrligi Ǵylym jáne adamı resýrstar departamentiniń bas sarapshysy, 2016-2017 jyldary «Nazarbaev Ýnıversıteti» DBBU «University Medical Center» korporatıvtik qorynyń PR-menedjeri, 2017-2018 jyldary «Nazarbaev Ýnıversıteti» DBBU «University Medical Center» korporatıvtik qorynyń Strategııa jáne bıznesti damytý departamentiniń bas menedjeri, 2017-2019 jyldary «Qazaqstan» telearnasy Aqparattyq-saraptamalyq baǵdarlamalar dırektsııasynyń prodıýser-júrgizýshisi, 2019-2020 jyldary «Nazarbaev Ýnıversıteti» DBBU «University Medical Center» korporatıvtik qorynyń Basqarma keńsesiniń bas menedjeri, 2020-2022 jyldary «QazAeroNavıgatsııa» RMK bas mamany, Qazaqstan Respýblıkasy Indýstrııa jáne ınfraqurylymdyq damý mınıstriniń keńesshisi, 2022 jyly «Habar» Agenttigi» AQ Strategııalyq damý jáne medıajosparlaý departamentiniń dırektory bolyp qyzmet atqarǵan.
2022 jylǵy tamyzda «Habar» AQ Basqarma Tóraǵasynyń orynbasary bolyp taǵaıyndaldy.
«Eren eńbegi úshin» medalimen marapattalǵan (2025).
49 jyl buryn (1977) Qazaqstan Respýblıkasy Mádenıet jáne aqparat mınıstrligi Mádenıet komıtetiniń tóraǵasy Erlan Erǵazyuly DÁKENOV dúnıege keldi.
Qaraǵandy oblysynda týǵan. Qaztutynýodaǵynyń Qaraǵandy ekonomıkalyq ýnıversıtetin, Aımaqtyq áleýmettik-ınnovatsııalyq ýnıversıtetti bitirgen.
Eńbek joly: 2000–2008 jyldary «Aqtoǵaı Transport kompanııasy» JShS menedjeri, zańgeri, 2008–2012 jyldary Astana qalasynyń Mádenıet basqarmasy «Táýelsizdik saraıy» MKQK kadr bóliminiń qoıýshy-rejısseri, prodıýser mamany, baspasóz hatshysy, ınspektor - aǵa mamany, 2012–2016 jyldary QR Mádenıet mınıstrligi Mádenıet komıteti «Aq jaýyn» memlekettik kameralyq orkestri» RMQK dırektory, 2016–2019 jyldary QR Mádenıet mınıstrligi «Qazaqkontsert» memlekettik kontserttik uıymy» RMQK dırektorynyń orynbasary, 2019–2025 jyldary Astana qalasy ákimdiginiń «E.Rahmadıev atyndaǵy Memlekettik akademııalyq fılarmonııa» MKQK bas dırektory bolyp qyzmet etti.
Qazirgi laýazymyn 2025 jyldyń shildesinen beri atqaryp keledi.
176 jyl buryn (1850-1902) orys geology jáne geografy, Túrkistan ólkesin alǵash zertteýshilerdiń bir Ivan Vasılevıch MÝShKETOV dúnıege keldi.
Reseıdiń Volgograd oblysynda týǵan. Sankt-Peterbor taý-ken ınstıtýtyn bitirgen. Túrkistan general-gýbernatorynyń janyndaǵy erekshe tapsyrmalar bóliminde qyzmet istegen. 6 ret ǵylymı-zertteý ekspedıtsııalaryna qatysyp, Tıan-Shan, Jońǵar (Jetisý) Alataýy, Pamır-Altaı taýlaryn zerttedi. Túrkistan ólkesiniń kartasyn túzetip, tolyqtyrýǵa atsalysty. Orta Azııa taý tizbekteriniń orografııalyq kurylysy týraly burynǵy túsinik ózgertilip, Tıan-Shan men Pamır-Altaı taýlarynyń soltústikke qaraı ıilgen endik doǵalardan turatyndyǵyn anyqtady. 1884 jyly G.Romanovskıımen birge Túrkistannyń tuńǵysh geologııalyq kartasyn jasady. Aral Qaraqumynyń shyǵý tegin, Kaspıı teńizi deńgeıiniń kóterilý mólsherin zerttep, Batys Qazaqstanda geologııalyq jáne geografııalyq baqylaýlar júrgizdi. 1887 jyly Vernyıǵa (qazirgi Almaty) kelip, jer silkiný sebepterin jáne onyń zardaptaryn anyqtady. Ólkedegi zertteýlerin 2 tomdyq «Túrkistan» dep atalatyn eńbeginde qorytyndylady. Bul eńbekte aımaqtyń tuńǵysh geolog jáne geografııalyq tolyq sıpattamasy berildi. Ár jyldary ońtústik Oralda, Kavkazda geologııalyq jáne ken barlaý jumystarymen aınalysty. 2 tomdyq «Fızıkalyq geologııa» atty teorııalyq eńbegi jarııalanǵan. Mýshketov qurmetine Sibirdegi taý, Tıan-Shandaǵy muzdyq atalǵan.