9 qańtar. Týǵan kún ıeleri

NUR-SULTAN. QazAqparat - Búgin, ıaǵnı 9 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

172 jyl buryn (1850-1902) orys geology jáne geografy, Túrkistan ólkesin alǵash zertteýshilerdiń bir Ivan Vasılevıch MÝShKETOV dúnıege keldi.

Reseıdiń Volgograd oblysynda týǵan. Sankt-Peterbor taý-ken ınstıtýtyn bitirgen. Túrkistan general-gýbernatorynyń janyndaǵy erekshe tapsyrmalar bóliminde qyzmet istegen. 6 ret ǵylymı-zertteý ekspedıtsııalaryna qatysyp, Tıan-Shan, Jońǵar (Jetisý) Alataýy, Pamır-Altaı taýlaryn zerttedi. Túrkistan ólkesiniń kartasyn túzetip, tolyqtyrýǵa atsalysty. Orta Azııa taý tizbekteriniń orografııalyq kurylysy týraly burynǵy túsinik ózgertilip, Tıan-Shan men Pamır-Altaı taýlarynyń soltústikke qaraı ıilgen endik doǵalardan turatyndyǵyn anyqtady. 1884 jyly G.Romanovskıımen birge Túrkistannyń tuńǵysh geologııalyq kartasyn jasady. Aral Qaraqumynyń shyǵý tegin, Kaspıı teńizi deńgeıiniń kóterilý mólsherin zerttep, Batys Qazaqstanda geologııalyq jáne geografııalyq baqylaýlar júrgizdi. 1887 jyly Vernyıǵa (qazirgi Almaty) kelip, jer silkiný sebepterin jáne onyń zardaptaryn anyqtady. Ólkedegi zertteýlerin 2 tomdyq «Túrkistan» dep atalatyn eńbeginde qorytyndylady. Bul eńbekte aımaqtyń tuńǵysh geolog jáne geografııalyq tolyq sıpattamasy berildi. Ár jyldary ońtústik Oralda, Kavkazda geologııalyq jáne ken barlaý jumystarymen aınalysty. 2 tomdyq «Fızıkalyq geologııa» atty teorııalyq eńbegi jarııalanǵan. Mýshketov qurmetine Sibirdegi taý, Tıan-Shandaǵy muzdyq atalǵan.

53 jyl buryn (1969) Qazaqstan Respýblıkasy Ulttyq qaýipsizdik komıteti tóraǵasynyń orynbasary – Shekara qyzmetiniń dırektory Darhan Aıtqalıuly DІLMANOV dúnıege keldi.

Qyzylorda qalasynda týǵan. 1990 jyly Qyzyltýly Máskeý joǵary komandalyq shekara ýchılışesin aıaqtaǵan. 2005 jyly Qorqyt ata atyndaǵy Qyzylorda memlekettik ýnıversıtetin támámdaǵan. 2009 jyly – Reseı Federaldy qaýipsizdik qyzmetiniń Shekara akademııasynda oqyǵan. Shekara zastavasy bastyǵynyń orynbasary, ýchaske komendanty, komendatýra bóliminiń orynbasary, shekara otrıadynyń bastyǵy qyzmetterin atqardy. 2006 jyldyń maýsymynan 2008 jyldyń jeltoqsanyna deıin – Qazaqstan Respýblıkasy UQK Shekara qyzmeti «Shyǵys» óńirlik basqarmasy bastyǵynyń orynbasary. 2008 jyldyń jeltoqsanynan 2010 jyldyń shildesine deıin - Qazaqstan Respýblıkasy UQK Shekara qyzmeti «Jaǵalaý kúzeti» óńirlik basqarmasynyń bastyǵy. 2012 jyldyń sáýir aıynan 2013 jyldyń shildesine deıin - Qazaqstan Respýblıkasy UQK Shekara qyzmeti «Soltústik» óńirlik basqarmasy bastyǵynyń orynbasary. 2013 jyldyń shildesinen 2014 jyldyń qazan aıyna deıin - Qazaqstan Respýblıkasy UQK Shekara qyzmeti Tárbıe, áleýmettik-quqyqtyq jáne kadrlar jumysy bas basqarmasy bastyǵynyń orynbasary.

2015 jyldyń maýsym aıynan beri – qazirgi qyzmetinde.