9 qańtar. Aýa raıy boljamy
NUR-SULTAN. QazAqparat - «Qazgıdromet» RMK 9 qańtar kúnine jasalǵan aýa raıy boljamyn jarııalady, dep habarlaıdy QazAqparat.
Qazaqstan terrıtorııasynyń basym bóligine áli de Soltústik antıtsıklon jotasy yqpal etedi jáne basym bóliginde qar, jaýyn-shashynsyz aýa raıy saqtalady. Tek respýblıkanyń batysynda, soltústik-batysynda jáne kúndiz soltústiginde atmosferalyq frontaldy bólikterdiń ótýine baılanysty qar jaýady. Respýblıkanyń keı jerlerinde tuman, jeldiń kúsheıýi, jaıaý burqasyn, batysynda – kóktaıǵaq, shańdy daýyl kútiledi.
Batys Qazaqstan oblysynyń keı jerlerinde tuman, kóktaıǵaq, jaıaý burqasyn kútiledi, jel 15-20 m/s kúsheıedi.
Qostanaı, Soltústik Qazaqstan, kúndiz Aqtobe, Aqmola oblystarynyń keı jerlerinde jaıaý burqasyn kútiledi, jel 15-20 m/s kúsheıedi; Qostanaı, Soltústik Qazaqstan oblystarynyń keı jerlerinde tuman kútiledi.
Mańǵystaý oblysynyń keı jerlerinde shańdy daýyl kútiledi, jel 15-20 m/s kúsheıedi.
Jambyl oblysynyń keı jerlerinde tuman, kúndiz jel 15-20 m/s kúsheıedi.
Túrkistan, Atyraý, Pavlodar, Shyǵys Qazaqstan oblystarynyń keı jerlerinde tuman kútiledi, Atyraý oblysynyń keı jerlerinde kóktaıǵaq kútiledi.
Túnde Almaty oblysynyń keı jerlerinde qatty aıaz saqtalady.
