9 qalada aýa sapasy nasharlaıdy
ASTANA. KAZINFORM - «Qazgıdromet» RMK Qazaqstan qalalaryndaǵy aýa sapasyna boljamyn jarııalady.
24 qańtarda aýa lastanýynyń qolaısyz meteorologııalyq jaǵdaılary kúndiz Qaraǵandy, Temirtaý, táýlik boıy Astana, Almaty, Shymkent, Óskemen, Rıdder, Pavlodar, Petropavl qalalarynda kútiledi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
