9-qabattan jaıma arqyly túspek bolǵan: Astanada órt sóndirýshiler er adamdy qutqardy

ASTANA. KAZINFORM –  Elordada TJM qyzmetkerleri kóp qabatty turǵyn úıdegi órt kezinde er adamdy qutqardy.

Astana qalasy Saraıshyq aýdanynda J.Nájimedenov kóshesinde turǵyn úı kesheniniń toǵyzynshy qabatyndaǵy páterde órt shyqqan.

Jedel kelgen órt sóndirýshiler páterdiń balkonyna avtosatyny ornatyp, er adamdy qutqaryp qaldy.

Sodan keıin ony jedel medıtsınalyq járdem qyzmetkerlerine tapsyrdy. Órt sóndirýshiler kelgenge deıin er adam birneshe jaımany baılap, tómen túsýge tyrysqan eken. 

Eske salsaq Astanada turǵyn úılerdiń órtke qarsy qaýipsizdik júıesin jańǵyrtý jumysy júrip jatqany týraly jazǵan edik.