9-qabattan qulaǵan eki jasar sábı aman qaldy
ASTANA. QazAqparat - Krasnoıarsk ólkesinde tergeýshiler Sosnoborsk qalasyndaǵy kópqabatty úıdiń terezesinen eki jasar balanyń qulap ketýi oqıǵasyna baılanysty tergeý jumystaryn júrgizýde.
Bul týraly RTK tergeý basqarmasynyń baspasóz qyzmeti habarlady. Búldirshin aman qalǵan, qazir aýrýhanada.
Aldyn ala málimetterge qaraǵanda, tańerteńgilik bala úıinde, ata-anasynyń qaraýynda bolǵan sábı 9-qabattaǵy páterdegi bólmeniń ashyq qalǵan terezesinen qulap ketken.
Búldirshin túrli jaraqattarmen aýrýhanaǵa jetkizildi, qazirgi ýaqytta jansaqtaý bóliminde jatyr.
