9 boksshymyz jastar arasynda ótip jatqan álem chempıonatynyń júldesinen úmitti
ASTANA. QazAqparat - Sankt - Peterbýrgtegi Sıbýr arenasynda jastar arasynda bokstan álem chempıonaty jalǵasýda, dep habarlaıdy QazAqparat.
Qazaqstandyq boks federatsııasynyń habarlamasynda atylǵanyndaı, bıylǵy jyly álem chempıony ataǵy úshin álemniń 62 elinen 351 jas boksshy baq synaýda.
Qazaqstan bul joly Reseı, Qytaı, Ózbekstanmen birge barlyq salmaq dárejeleri boıynsha 10 sportshydan turatyn komandasyn shyǵardy.
Jarystyń úshinshi kúninde qazaqstandyq Evgenıı Pavlov (49 keli) asa tarysty ótken jekpe-jekte kýbalyq Jorjı Grınanýǵa 0:5 esebimen jol berdi. Aıdos Arapov bolsa (52 keli) Nıkolaı Matveevten 4:1 esebimen basym tústi. Samatáli Toltaev (56 keli) ırlandııalyq boksshy Djeıms Kýlandy 4:1 esebimen jeńdi.
20 qarasha kúni Sanatáli Toltaev (60 keli) pen ózbekstandyq Bılobek Mırzarahımovtyń jáne Bek Nurmaǵambetov (75 keli) pen avstralııalyq Djek Gıppenniń kezdesýleri ótedi. Osylaısha, ázirge saıystan tek bir ǵana qazaqstandyq tys qalyp otyr. Qalǵan 9-y saıysty jalǵastyrýda. Jartylaı fınaldyq kezdesýler 25-inshi, al, fınaldyq báseke 26-ynshy qarashada ótedi.
