9 aılyq bala polıtsııa qyzmetkerine aıbat shekti dep aıyptaldy
ASTANA. QazAqparat - Pákistanda 9 aılyq bala aıypty retinde sot zalyna shaqyryldy. Muhammad Mosa Hanǵa polıtsııa qyzmetkerine qoqan-loqy kórsetip, memlekettik iske aralasty degen aıyp taǵylǵan.
Jergilikti polıtseılerdiń balanyń týystarynyń áreketine ashýlanǵany sonshalyq, olar tutas bir otbasyny kúdikti dep tanyǵan. Jasy birge de tolmaǵan Muhammad Mosa Hannyń ákesiniń aıtýynsha, olar otbasymen óz aımaqtaryndaǵy gazdyń jetispeýine baılanysty narazylyq aktsııasyna qatysqan. Al polıtseıler bolsa, atalǵan oqıǵany basqasha qylyp baıandaǵan. Olar Muhammadtyń otbasyn Lahorda gaz urlady jáne tártip saqshylaryn taspen urdy dep aıyptap otyr.
Alaıda, polıtseılerdiń bul sózi sotta sandyraq dep tanyldy. Aldymen balaǵa qatysty isti toqtatý kerek dep aımaqtyń kishi ınspektory bastama kóterdi. Odan soń Pendjabtyń bas mınıstri Shahbaz Sharıf ta bul bastamany qostap, beıkúná balany qylmystyq istiń basty keıipkerine aınaldyrǵan polıtsııa qyzmetkerlerine qatysty is qozǵaıtynyn málimdedi.
Qazir bala úıinde. Ata-anasy ony kepildikke aqsha tólep alyp shyqty. al oǵan jáne onyń otbasyna qatysty qozǵalǵan qylmystyq is áli jabylǵan joq, dep jazady Vestı.rý.
