9 áıel obyrǵa shaldyqqan qurbysyn qoldaý úshin shashtaryn taqyrlap tastady - FOTO
ASTANA. QazAqparat - Toǵyz áıel sút beziniń qaterli isigimen aýyryp jatqan qurbysy Gerdı Makkenge qoldaý kórsetý úshin shashtaryn taqyrlap alyp tastady. Olar osylaısha obyrǵa shaldyqqan qurbysyna demeý bolýdy maqsat etken.
Gerdı Makken esimdi áıelge birneshe aı buryn sút bezinde qaterli isik bar degen dıagnoz qoıǵan. Qurbylarynyń biri tanymal ońtústikafrıkalyq fotograf Albert Bredenhanǵa habarlasyp, qınalyp júrgen Gerdıdiń janyna jylý berer erekshe syılyq jasaǵylary keletinin aıtyp, fotosessııa jasaýyn ótingen. Názik jandylardyń batyldyǵyna tánti bolǵan sýretshi birden kelisimin berip, 9 áıeldiń shashyn taqyrlap qyryp jatqan sátin túsirip alǵan.
Osylaısha «taqyrbas» áıelder Gerdıge tosynsyı jasap, kesh barysynda ózderiniń jańa shash úlgilerin kórsetken. Al qıylǵan shashty olar Ońtústik Afrıkanyń qaterli isik assotsıatsııasyna tapsyrǵan eken, dep jazady day.az.
