9 aıda Ózbekstanda jol apatynan 1300-den astam adam qaza tapty

TAShKENT. KAZINFORM – Bıyl qańtar-qyrkúıek aılary aralyǵynda Ózbekstanda 5895 jol-kólik oqıǵasy boldy. Bul týraly Senattyń jalpy otyrysynda baıandama jasaǵan Qorǵanys jáne qaýipsizdik máseleleri jónindegi komıtettiń tóraǵasy Kýtbıddın Býrhanov málimdedi, dep habarlaıdy Kazinform menshikti tilshisi.

Senatordyń aıtýynsha, tirkelgen jol-kólik apattarynan 1 303 adam qaza taýyp, 4 592 adam zardap shekti. Bul rette 2024 jyldyń sáıkes kezeńimen salystyrǵanda qaıǵyly oqıǵalar sany 4,8%-ǵa azaıǵan.

Buǵan deıin habarlaǵanymyzdaı, 10 ret ereje buzǵan ózbekstandyqtar endi kólik basqarý quqyǵynan aıyrylýy múmkin. Buǵan qosa, Ózbekstanda avtobýs jolaǵyna túsken kólik júrgizýshilerine aıyppul salynýy múmkin ekenin jazyp edik.

Byltyr mas kúıinde kólik basqarǵan 31,3 myń ózbekstandyq ákimshilik jaýapqa tartyldy. Sondaı-aq, 2024 jyly Ózbekstanda jol apatynan 2 myńnan astam adam qaza tapty.