9 aıda ónerkásip óndirisi 5,7 paıyzǵa ósti
ASTANA. QazAqparat - Aǵymdaǵy jyldyń 9 aıynda ónerkásip óndirisiniń kólemi 5,7 paıyzǵa ósti. Bul týraly búgin Úkimettiń selektorlyq rejimdegi otyrysynda QR Investıtsııalar jne damý mınıstri Jeńis Qasymbek aıtty, dep habarlaıdy QazAqparat.
«Bıyl 9 aıda ónerkásiptik óndiristiń kólemi ótken jyldyń sáıkes kezeńimen salystyrǵanda 5,7 paıyzǵa ósip, 6,5 trln teńgeni qurady. Memlekettik baǵdarlamalardyń negizgi ındıkatorlary boıynsha da oń dınamıka bar. Bıylǵy 8 aıdyń qorytyndysy boıynsha óńdeýshi ónerkásiptiń eksporty ótken jyldyń sáıkes kezeńimen salystyrǵan 23,1 paıyzǵa ósip, 9,9 mlrd AQSh dollaryn qurady», - dedi ol.
Onyń aıtýynsha, bıyl 9 aıda óńdeýshi ónerkásiptiń negizgi kapıtalyna salynǵan nvestıtsııalardyń kólemi 2016 jyldyń sáıkes kezeńimen salystyrǵanda 3,5 paıyzǵa artyp, 599 mlrd teńge boldy.
«2017 jylǵy 1-toqsan nátıjeleri boıynsha kásiporyndardaǵy eńbek ónimdiligi 16,1 paıyzǵa ósti jáne 7,6 myń AQSh dollaryn qurady. Ádistemege sáıkes, kórsetkish jyl boıy tek jeke iri kásiporyndar boıynsha esepteledi. 2017 jyldyń 1 toqsandaǵy nátıjeleriniń kórsetkishi iri jáne orta kásiporyndar boıynsha 5,3 paıyzdy qurady. Barlyq kásiporyndar boıynsha naqty qorytyndy jyldyń sońynda aıqyndalatyn bolady. Qazirgi damý tendentsııasyn eskersek, jyl qorytyndysy boıynsha kórsetkish 41-42 myń AQSh dollarynan tómen bolmaýy tıis. Mysaly 2016 jyly bul kórsetkish 38,9 myń AQSh dollary boldy», - dedi Jeńis Qasymbek.
