9 aıda elimizdiń asa mańyzdy nysandaryna jasalǵan 163,4 mıllıon kıbershabýylǵa toıtarys berilgen
Prezıdent «Memlekettik tehnıkalyq qyzmet» aktsıonerlik qoǵamyna bardy, dep habarlaıdy QazAqparat Aqordanyń baspasóz qyzmetine silteme jasap.
Mekeme qyzmetimen tanysý barysynda Memleket basshysyna Qazaqstan Respýblıkasynyń aqparattyq qaýipsizdigin qamtamasyz etý isiniń qazirgi jaı-kúıi jáne qabyldanyp jatqan sharalar jóninde málimet berildi.
Prezıdentke Aqparattyq qaýipsizdiktiń ulttyq úılestirý ortalyǵynyń, Telekommýnıkatsııa jelilerin basqarý ortalyǵynyń, sondaı-aq Kompıýterlik ıntsıdentterge qarsy ulttyq áreket etý qyzmetiniń jáne Zııandy kodty zertteý ortalyǵynyń jumys protsesi men nátıjeleri tanystyryldy.
Prezıdentke bıyl 9 aı ishinde memlekettik organdardyń resýrstary men elimizdiń asa mańyzdy nysandaryna jasalǵan 163,4 mıllıon kıbershabýylǵa toıtarys berilgeni jóninde baıandaldy.
Qasym-Jomart Toqaev elimizdiń aqparattyq ınfraqurylymynyń turaqty qyzmetin qamtamasyz etetin jáne osy saladaǵy qaýipsizdikke tóngen kez kelgen qaterge tótep beretin mehanızmderdi damytý mańyzdy ekenin atap ótti.
Memleket basshysy atalǵan qyzmetti jetildirý máselelerine qatysty birqatar naqty tapsyrma berdi.
