9 aıda bıýdjetke 14,9 trln teńge kiris kirgen

ASTANA. KAZINFORM – Qarjy mınıstri Mádı Takıev bıýdjettiń kiris jospary nege oryndalmaı jatqanyn aıtty.

«Memlekettik bıýdjetke túsken kirister kólemi 14 trln 967 mlrd teńge bolyp, jospar 93,2%-ǵa oryndaldy. Onyń ishinde respýblıkalyq bıýdjettiń túsim kólemi 9 trln 74 mlrd bolyp, jospar 83,1% oryndaldy», - dedi ol.

Mınıstrdiń sózinshe, jospardyń oryndalmaýyna salyqtar túsimderiniń 76%-ǵana oryndalýy áser etken. Aıtýynsha, kirister josparynyń durys oryndalmaýyna mynandaı sebepter túrtki bolǵan:
Birinshiden, munaı óndirý kólemi 5,3 mln tonnaǵa qysqarǵan.

Ekinshiden, álemdik ekonomıkanyń baıaýlaýy men geosaıası jaǵdaılar syrtqy saýda qyzmetine, eldiń iri kompanııalarynyń jetkizý tizbeginiń úzilip qalýyna áser etken.

Úshinshiden, qosylǵan qun salyǵyn qaıtarý kólemi byltyrǵydan 3 ese ulǵaıǵan.

«Bul óz kezeginde bıznesti aınalym qarajatymen qamtamasyz etti», - dedi mınıstr.