9 aıda 577 myń adam statsıonardy erkin tańdaý quqyǵyn júzege asyrdy
ASTANA. 23 qarasha. QazAqparat - Qazaqstanda aýrýhanaǵa josparly jatqyzý barysynda azamattardyń statsıonardy erkin tańdaý quqyǵy júzege asyp jatyr.
Bul týraly búgin Densaýlyq saqtaý mınıstrliginde ótken baspasóz máslıhatynda Medıtsınalyq qyzmetke aqy tóleý komıtetiniń ókili Naǵıma Nyǵmanova málim etti.
«Bul rette másele josparly jaǵdaılarǵa qatysty bolatynyn erekshe atap ótkim keledi. Al shuǵyl aýrýhanaǵa jatqyzý kezekshi, ıaǵnı jaqyn mańdaǵy klınıkalarda júzege asyrylady. Josparly túrde aýrýhanaǵa joldanatyn patsıent portal arqyly óziniń kezegin kútedi», - deıdi N.Nyǵmanova.
Onyń aıtýyna qaraǵanda, aǵymdaǵy jyldyń 9 aıynda statsıonardy erkin tańdaý quqyǵyn 577 myń adam paıdalanǵan. Olar josparly tártippen statsıonarda emdelip shyǵýǵa joldama aldy. Al osy quqyqty paıdalanǵandardyń 40 paıyzyn aýyl turǵyndary qurady.
