9 aıda 17 myń zııatkerlik menshik nysany tirkeldi – Ádilet mınıstrligi
Bıyl 9 aıda elimizde 17 myń zııatkerlik menshik nysany tirkeldi. Bul týraly Ádilet mınıstrliginiń resmı ókili Talǵat Ýálı aıtty, dep habarlaıdy Kazinform.
«Eger jalpy zııatkerlik menshik nysandary týraly aıtatyn bolsaq, onda saýda belgilerin tirkeý týraly ótinimder kóp túsedi. Mysaly, osy jyldyń 9 aıynda tirkelgen 17 myń zııatkerlik menshik nysandarynyń 8 myńnan astamy - saýda belgileri. Ónertabystar salasynda tamaq tehnologııasy, hımııa jáne medıtsınaǵa qatysty ónertabystarǵa ótinimder kóbirek berilgen. Mysaly, olardyń ishinde qurt, kóje, qymyz óndirý, protezder jasaý jáne fızıologııalyq belsendi qospalar, sonymen qatar aýyl sharýashylyǵy kombaındarynyń bólshekterin óndirý salasy bar», - dedi mınıstrlik ókili aptalyq brıfıng barysynda.
Onyń atap ótýinshe, tsıfrlyq tehnologııalardyń damýyna baılanysty aqparattyq tehnologııalarǵa qatysty ótinimder de belsendi túrde berilip jatyr. Olardyń qatarynda medıtsınalyq jabdyqtarǵa arnalǵan avtomattandyrylǵan júıeler bar.
«Qazaqstan zııatkerlik menshik salasyn damytýǵa jiti kóńil bólýde. Osy maqsatta zııatkerlik menshik nysandaryn tirkeýdiń ulttyq júıesin jetildirý jumystary jasalyp jatyr. Qyzmetterdi tsıfrlandyrý, halyqaralyq yntymaqtastyqty keńeıtý jáne avtorlar men paıdalanýshylardy oqytý boıynsha jumys qarqyndy júrgizilýde», - dedi ol.
