9 aıda 12,4 mln sharshy metr baspana qoldanýǵa berilgen

ASTANA. KAZINFORM – Shymkent qalasy jyl basynan beri qoldanysqa berilgen baspana kólemi boıynsha kósh bastap tur. Bul ýtraly Premer-Mınıstrdiń orynbasary – Ulttyq ekonomıka mınıstri Nurlan Baıbazarov Úkimet otyrysynda málim etti.

«Qurylys jumystarynyń tómendeýi Atyraý jáne Mańǵystaý oblystarynda baıqalady. Qańtar-qyrkúıekte 12,4 mln sharshy metr turǵyn úı paıdalanýǵa berildi. Bul ótken jyldyń tıisti kezeńinen 6,2% artyq. Eń joǵary kórsetkishter Shymkent qalasynda, sondaı-aq Soltústik Qazaqstan, Pavlodar jáne Túrkistan oblystarynda baıqalady», - dedi Nurlan Baıbazarov.

Mınıstrdiń aıtýyna qaraǵanda eldiń aýyl sharýashylyǵy ósýdiń belsendi kezeńine ótip otyr.

«Dándi daqyldardy jınaýdaǵy údemeli qarqynnyń arqasynda sala óndirisiniń kólemi 11,4% ulǵaıdy. Onyń ishinde ósimdik sharýashylyǵynyń ósýi 17,8% boldy. Eń joǵary ósýdi Aqmola, Qostanaı, Qaraǵandy jáne Soltústik Qazaqstan oblystary kórsetti», - dedi vıtse-premer.

Osyǵan deıin 4 oblysta ınvestıtsııa tartý kórsetkishi tómendep ketkeni jazyldy.