9 aqpan. Tulǵalar týǵan kún
Búgin, 9 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
69 jyl buryn (1955) QR Bilim jáne ǵylym mınıstrligi A.Baıtursynuly atyndaǵy Til bilimi ınstıtýtynyń dırektory Erden Zadauly QAJYBEK dúnıege keldi.
Jezqazǵan qalasynda týǵan. 1977 jyly akademık E. Bóketov atyndaǵy Qaraǵandy memlekettik ýnıversıtetin, 1980 jyly QazKSR Ǵylym akademııasy Til bilimi ınstıtýtynyń «Túrkologııa» mamandyǵy boıynsha aspırantýrasyn bitirgen.
Eńbek joly: 1975-1977 jyldary QarMÝ dıplomanty, 1980-1982 jyldary QazKSR ǴA Til bilimi ınstıtýtynyń kishi ǵylymı qyzmetkeri, 1982-1989 jyldary QazKSR ǴA Til bilimi ınstıtýtynyń ǵylymı hatshysy, 1989-1992 jyldary QazKSR ǴA Til bilimi ınstıtýtynyń Túrkologııa jáne qazaq tiliniń tarıhy bóliminiń meńgerýshisi boldy. 1989 jyldan bastan «Halyqaralyq túrkologııa ortalyǵy» halyqaralyq úkimettik emes, kommertsııalyq emes ǵylymı-mádenı mekemeniń prezıdenti bolyp qyzmet atqarǵan. 1990-2000 jyldary QR UǴA «Qazaq tili» qoǵamynyń tóraǵasy, 1992-2000 jyldary QR UǴA R.Súleımenov atyndaǵy Shyǵystaný ınstıtýtynyń dırektory, 1995 jyldan bastap QR Prezıdent ákimshiliginiń ǵylymı sarapshysy qyzmetin atqardy.
2000-2003 jyldary «Eýrazııa» halyqaralyq qorynyń prezıdenti, 2000-2006 jyldary «Qazaqstan» aqparattyq-taldaý ortalyǵynyń dırektory, 2003 jyldan bastap amerıkalyq bilim berý konsortsıýmy men Q.Sátbaev atyndaǵy Qazaq ulttyq tehnıkalyq ýnıversıtetiniń «Qazaqstandaǵy amerıkalyq ýnıversıtet» halyqaralyq bilim berý baǵdarlamasynyń jetekshisi boldy. 2003 jyldan bastap Ortalyq Azııada Amerıkalyq bilim berý konsortsıýmy ókildiginiń jetekshisi qyzmetin atqardy.
2005-2009 jyldary — QR UǴA A. Baıtursynov atyndaǵy Til bilimi ınstıtýtynyń bas ǵylymı qyzmetkeri, 2006-2009 jyldary QR Mádenıet jáne aqparat mınıstrligi Til komıtetiniń tóraǵasy, 2012 jyldan bastap «Qazaq tili» halyqaralyq qoǵamynyń vıtse-prezıdenti, 2016 jyldan bastap ál-Farabı atyndaǵy Qazaq ulttyq ýnıversıteti «TÚRKSOI» ortalyǵynyń jetekshisi boldy.
2016-2017 jyldary ál-Farabı atyndaǵy Qazaq ulttyq ýnıversıteti túrkologııa kafedrasynyń meńgerýshisi, 2016 jyldan bastap Ystanbul ýnıversıteti ál-Farabı qazaq-túrik ortalyǵy halyqaralyq prezıdıýmynyń ýákiletti ókili jáne múshesi, QR BǴM A.Baıtursynov atyndaǵy til bilimi ınstıtýty túrkologııa jáne qazaq tili tarıhy bóliminiń meńgerýshisi.
64 jyl buryn (1961) Qazaqstan Respýblıkasynyń memleket qaıratkeri Ǵosman Kárimuly ÁMRIN dúnıege kelgen.
Aqmola oblysynda týǵan. 1982 jyly Y. Altynsarın atyndaǵy Arqalyq pedagogıkalyq ınstıtýtyn «fızıka pániniń muǵalimi» mamandyǵy boıynsha aıaqtady. 1987 jyly F. Dzerjınskıı atyndaǵy KSRO Memlekettik qaýipsizdik komıtetiniń Joǵary mektebin ofıtser ataǵymen bitirdi.
Eńbek joly: 1982 jyly Torǵaı oblystyq Bilim basqarmasynyń alǵashqy áskerı daıyndyq ınspektory, 1984-1985 jyldaryTorǵaı oblysy Muǵalimderdi jetildirý ınstıtýtynda fızıka kabınetiniń meńgerýshisi, 1987-1993 jyldary KSRO Memlekettik qaýipsizdik komıteti organdarynda, QR Ulttyq qaýipsizdik komıtetinde qyzmet etti, 1993-1996 jyldary jeke qurylymdarda jumys istedi.
1996-1997 jyldary QR Prezıdenti janyndaǵy Joǵarǵy ekonomıkalyq keńes hatshylyq bóliminiń basshysy boldy, 1997-1999 jyldary QR Strategııalyq josparlaý jáne reformalaý agenttiginiń strategııalyq josparlaý, strategııalyq taldaý, bıýdjettik baǵdarlamalar departamentterin basqardy.
1999-2001 jyldary QR Qorǵanys mınıstriniń ekonomıka jáne qarjy boıynsha orynbasary, 2001 jyly QR Qaýipsizdik Keńesi hatshysynyń orynbasary, 2001-2003 jyldary QR Qorǵanys mınıstrliginde Ekonomıka jáne qarjy boıynsha Qorǵanys mınıstriniń orynbasary, 2003-2004 jyldary «Injınırıng jáne transfert tehnologııasy ortalyǵy» AQ prezıdenti, 2004 jyly QR Indýstrııa jáne saýda birinshi vıtse-mınıstri, 2004-2006 jyldary «Ulttyq ınnovatsııa qory» AQ Basqarma tóraǵasy, 2006-2007 jyldary «Samuryq-Qazyna» Ulttyq ál-aýqat qory» AQ Basqarma tóraǵasynyń keńesshisi qyzmetin atqarǵan.
2007-2009 jyldary «Damý» kásipkerlikti damytý qory» «Shaǵyn kásipkerlikti damytý qory» AQ Basqarma tóraǵasy, 2009-2010 jyldary «Samuryq-Qazyna» jyljymaıtyn múlik qory» AQ Basqarma tóraǵasy, 2010-2013 jyldary QR Ulttyq qaýipsizdik komıteti tóraǵasynyń orynbasary, 2013-2014 jyldary QR Qarjy mınıstrligi Kedendik baqylaý komıtetiniń tóraǵasy, 2014-2019 jyldary QR Qarjy mınıstrliginiń Memlekettik kirister komıteti tóraǵasynyń orynbasary bolyp qyzmet etken.
57 jyl buryn Shymkent qalasy ishki saıasat jáne jastar isteri jónindegi basqarma basshysy Bahtııar Áltaıuly ÓNERBAEV dúnıege keldi.
Ońtústik Qazaqstan oblysy Tólebı aýdany Kóksáıek aýylynda týǵan. 1991 jyly S. M. Kırov atyndaǵy Qazaq memlekettik ýnıversıtetin (hımııa), 1998 jyly Qyrǵyz memlekettik ulttyq ýnıversıtetin (quqyqtaný) bitirgen.
1985-1987 ásker qatarynda boldy. 1989-1990 jyldary S. M. Kırov atyndaǵy memlekettik ýnıversıteti organıkalyq emes hımııa kafedrasynyń aǵa preparatory, 1990-1991 jyldary S. M. Kırov atyndaǵy memlekettik ýnıversıteti organıkalyq emes hımııa kafedrasynyń laboranty, 1991-1992 jyldary S. M. Kırov atyndaǵy memlekettik ýnıversıteti organıkalyq emes hımııa kafedrasynyń ınjeneri, 1992-1993 jyldary Kommýnaldyq menshigin memlekettiń ıeliginen alý jáne jekeshelendirý komıteti memlekettiń ıeliginen alý jáne jekeshelendirý bóliminiń mamany (Almaty qalalyq aýmaqtyq memlekettik múlik jónindegi komıteti), 1993-1998 jyldary Almaty qalalyq aýmaqtyq memlekettik múlikti basqarý jónindegi komıteti ınventarızatsııalaý boıynsha, jalǵa berý jáne turǵyn emes úı-jaılardy qaıtaryp alý ortalyǵynyń bas mamany (Almaty qalalyq aýmaqtyq memlekettik múlik jáne jekeleshendirý komıteti), 1998 jyly Almaty qalalyq aýmaqtyq memlekettik múlik jáne jekeleshendirý komıtetiniń bas mamany qyzmetin atqarǵan.
1998-2003 jyldary Almaty qalasy, Jetisý aýdany ákiminiń orynbasary, 2004-2005 jyldary QR Prezıdentiniń Іs basqarmasy uıymdastyrý bóliminiń meńgerýshisi, 2004-2005 jyldary QR Prezıdentiniń Іs basqarmasy sharalarǵa qyzmet kórsetý jáne syrtqy qatynastar bólimi meńgerýshisiniń orynbasary, 2006-2009 jyldary QR Joǵarǵy Soty janyndaǵy Sot ákimshiligi jónindegi komıteti Almaty qalasyndaǵy sottar ákimshisi, 2009-2010 jyldary QR Joǵarǵy Soty janyndaǵy Sot ákimshiligi jónindegi komıteti tóraǵasynyń birinshi orynbasary, 2010-2012 jyldary QR Joǵarǵy Sotynyń janyndaǵy Sottardyń qyzmetin qamtamasyz etý departamenti basshysynyń birinshi orynbasary bolyp qyzmet etti.
2012-2014 jyldary QR Parlamenti Senatynyń Apparaty halyqaralyq qatynastar, qorǵanys jáne qaýipsizdik komıtetimen ózara baılanys jasaý bóliminiń meńgerýshisi, 2014-2016 jyldary Almaty oblysy ákiminiń orynbasary, 2016-2020 jyldary Tekeli qalasynyń ákimi, 2019-2020 jyldary Taldyqorǵan qalasynyń ákimi, 2020-2023 jyldary Almaty oblysy ákiminiń keńesshisi laýazymyn atqarǵan.
Qazirgi qyzmetin 2023 jyldyń qarasha aıynan bastap atqaryp keledi.
55 jyl buryn (1969) Memlekettik tildi damytý qorynyń dırektory Azat Sádmetuly ShÁÝEEV dúnıege keldi.
Jambyl oblysy Lýgovoe aýdanynda týǵan. 1994 jyly Abaı atyndaǵy Almaty memlekettik ýnıversıtetiniń fılologııa fakýltetin bitirgen.
Eńbek joly: 1994–1995 jyldary Almaty oblystyq ákimshiliginiń Mádenıet basqarmasy halyq shyǵarmashylyǵy ortalyǵynyń bas mamany, 1995-1996 jyldary Almaty qalalyq ákimshiligi Til basqarmasynyń Onomastıka, termınologııa jáne til mádenıeti bóliminiń bas mamany, 1996-1997 jyldary Almaty qalasy ákimi orynbasarynyń kómekshisi, 1997-2001 jyldary Almaty qalasy ákimdigi ishki saıasat bóliminiń bas mamany, 2001-2002 jyldary Almaty qalalyq ishki saıasat departamenti qoǵamdyq-saıası bóliminiń meńgerýshisi bolyp qyzmet atqarǵan. 2002-2003 jyldary Almaty qalasy ákimdiginiń Qazaqstan halyqtary Assambleıasymen jumys bóliminiń meńgerýshisi, 2003-2005 jyldary QR Premer-Mınıstri Keńsesi áleýmettik-mádenı damý bóliminiń bas sarapshysy, 2005-2008 jyldary «Nur Otan» HDP Ortalyq apparaty aqparattyq-taldaý bóliminiń meńgerýshisi, 2008 jyly QR Mádenıet jáne Aqparat vıtse-mınıstriniń keńesshisi, 2008-2010 jyldary Memlekettik tildi damytý qory dırektorynyń birinshi orynbasary, 2010 jyldyń qańtarynan — Memlekettik tildi damytý qory dırektorynyń mindetin atqarýshy qyzmetinde.
Qazirgi laýazymyn 2010 jyldyń sáýirinen bastap atqaryp keledi.
50 jyl buryn (1974) «H.Dosmuhamedov atyndaǵy Atyraý ýnıversıteti» KeAQ Basqarma tóraǵasy — rektory Salamat Nurmuhanuly IDRISOV dúnıege keldi.
Gýrev oblysy (qazirgi Atyraý) Inder aýdany, Órlik aýylynda dúnıege keldi.
1996 jyly H.Dosmuhamedov atyndaǵy Atyraý memlekettik ýnıversıteti «Matematıka jáne ınformatıka» mamandyǵy boıynsha bitirdi.
Eńbek jolyn 1996 jyly H.Dosmuhamedov atyndaǵy Atyraý memlekettik ýnıversıtetiniń «Informatıka negizderi jáne esepteýish tehnıka» kafedrasyna oqytýshy bolyp bastady.
1998 jyly «Informatıka jáne oqytýdaǵy jańa aqparattyq tehnologııalar» kafedrasynyń aǵa oqytýshysy, 2000 jyly ýnıversıtet tıpografııasynyń dırektory, sol jyly jeltoqsan aıynda qaıta qurylǵan Jańa aqparattyq tehnologııalar ortalyǵy Polıgrafııa bóliminiń meńgerýshisi, 2003 jyly Jańa aqparattyq tehnologııalar ortalyǵynyń dırektory qyzmetinde boldy.
2006 jyly H.Dosmuhamedov atyndaǵy Atyraý memlekettik ýnıversıtetiniń Informatıka kafedrasynyń dotsenti akademııalyq ataǵy berildi. 2009 jyly ýnıversıtettiń Fızıka, matematıka jáne aqparattyq tehnologııalar fakýltetiniń dekany, 2011 jyly Aqparattyq tehnologııalar ortalyǵynyń dırektory, 2012 jyly Qashyqtyqtan oqytý fakýlteti dekany, 2013 jyly Ákimshilik-sharýashylyq departamenti dırektory, Qashyqtyqtan oqytý fakýlteti dekany, 2015 jyly Qashyqtyqtan oqytý fakýlteti dekany bolyp qyzmet atqarǵan.
2016-2019 jyldary ýnıversıtettiń ǵylymı jumystar jónindegi prorektory, 2019 jyldyń 31 jeltoqsannan bastap H.Dosmuhamedov atyndaǵy Atyraý memlekettik ýnıversıtetiniń rektory boldy. 2020 jyldyń maýsym aıynan bastap «H.Dosmuhamedov atyndaǵy Atyraý ýnıversıteti» KeAQ Basqarma tóraǵasy-rektor m. a. qyzmetinde.
2020 jyldyń 23 jeltoqsannan bastap «H.Dosmuhamedov atyndaǵy Atyraý ýnıversıteti» KeAQ Basqarma tóraǵasy — rektory.
2021 jyldyń qańtardan aıynan bastap Atyraý oblystyq máslıhat depýtaty.
47 jyl buryn (1977) Qazaqstan Respýblıkasy Parlamenti Senatynyń depýtaty, Konstıtýtsııalyq zańnama, sot júıesi jáne quqyq qorǵaý organdary komıtetiniń múshesi Amangeldi Ǵabdylkárimuly TOLAMISOV dúnıege keldi.
1999 jyly ál-Farabı atyndaǵy Qazaq memlekettik ulttyq ýnıversıtetin tarıhshy, tarıh pániniń oqytýshysy mamandyǵy boıynsha bitirgen. 2001 jyly atalǵan ýnıversıtettiń tarıh mamandyǵy boıynsha magıstratýrasyn, 2010 jyly Ó. Joldasbekov atyndaǵy ekonomıka jáne quqyq akademııasyn quqyqtaný mamandaǵy boıynsha bitirgen.
Eńbek joly: 2001 jyly І. Jansúgirov atyndaǵy Jetisý ýnıversıtetinde oqytýshy retinde bastaǵan. 2001-2012 jyldary І. Jansúgirov atyndaǵy Jetisý ýnıversıtetinde oqytýshy, aǵa oqytýshy, tárbıe isi jónindegi dekan orynbasary, oqý isi jónindegi orynbasary boldy. 2012-2015 jyldary І. Jansúgirov atyndaǵy JMÝ-de gýmanıtarlyq fakýltet dekany, 2015-2016 jyldary І. Jansúgirov atyndaǵy JMÝ-de mádenıet jáne óner fakýltetiniń dekany, 2016-2018 jyldary І. Jansúgirov atyndaǵy JMÝ-de gýmanıtarlyq fakýltetiniń dekany, 2018-2019 jyldary S. Amanjolov atyndaǵy Shyǵys Qazaqstan memlekettik ýnıversıtetiniń tárbıe jumysy jónindegi prorektory, 2019-2020 jyldary І.Jansúgirov atyndaǵy JMÝ rektorynyń keńesshisi bolyp qyzmet atqarǵan.
2020-2022 jyldary І.Jansúgirov atyndaǵy JÝ-de gýmanıtarlyq fakýltet dekany, 2022-2023 jyldary І.Jansúgirov atyndaǵy JÝ-de gýmanıtarlyq ǵylymdar joǵary mektebiniń dekany boldy. Ulttyq Quryltaı múshesi.
Qazirgi qyzmetin 2023 jyldyń qańtar aıynan bastap atqaryp keledi.
«Otan patrıoty», «Halyq alǵysy», «Balalyq shaq dosy», «Álemniń meıirimdi adamy», «Іlııas Jansúgirov» medalimen, «Asyl áke» tósbelgisimen marapattalǵan.
43 jyl buryn (1981) Qazaqstan Respýblıkasy Syrtqy ister mınıstriniń orynbasary Álibek Ásetuly BAQAEV dúnıege keldi.
Almaty qalasynda týǵan. Qazaq halyqaralyq qatynastar jáne álem tilderi memlekettik ýnıversıtetin aýdarmashy-sınhronıst mamandyǵy boıynsha, QR Prezıdenti janyndaǵy Memlekettik basqarý akademııasyn saıasattaný mamandyǵy boıynsha, Rýpreht jáne Karl atyndaǵy Geıdelberg ýnıversıtetin (GFR), memlekettik saıasat Senford mektebiniń Dıýk ýnıversıtetin bitirgen.
Eńbek jolyn 2004 jyly QR SІM Eýropa jáne Amerıka departamentiniń referenti bolyp bastady. 2004-2008 jyldary — Germanııadaǵy Qazaqstan elshiliginiń attashesi.
2008-2009 jyldary — QR Ekonomıka jáne bıýdjettik josparlaý mınıstrligi hattama shefi, halyqaralyq máseleler jónindegi keńesshi.
2009-2012 jyldary — QR Ekonomıkalyq damý jáne saýda mınıstrligi strategııalyq josparlaý jáne taldaý departamentiniń, halyqaralyq qatynastar departamentiniń dırektory.
2012-2013 jyldary — QR SІM jalpyazıattyq yntymaqtastyq departamentiniń azıattyq dıalogter forýmdary basqarmasynyń basshysy.
2013-2015 jyldary — QR SІM jalpyazıattyq yntymaqtastyq departamenti dırektorynyń orynbasary, dırektor mindetin atqarýshy.
2015-2019 jyldary — QR SІM jalpyazıattyq yntymaqtastyq departamenti dırektory.
2019-2022 jyldary Qazaqstan Respýblıkasynyń Shveıtsarııa Konfederatsııasyndaǵy Tótenshe jáne Ókiletti Elshisi, 2020-20222 jyldary Qazaqstan Respýblıkasynyń Lıhtenshteın Knıazdigindegi, Vatıkan Memleketindegi, Qasıetti Ierýsalım Ioannyń, Rodos jáne Maltanyń Egemendi Áskerı Gospıtalerleri Ordeniniń janyndaǵy Tótenshe jáne Ókiletti Elshisi qyzmetin qosa atqardy.
2022-2023 jyldary Qazaqstan Respýblıkasynyń Aýstrııa Respýblıkasyndaǵy Tótenshe jáne Ókiletti Elshisi, Vena qalasyndaǵy halyqaralyq uıymdar janyndaǵy Qazaqstan Respýblıkasynyń Turaqty ókili. 2023 jyly Qazaqstan Respýblıkasynyń Slovenııa Respýblıkasynda Tótenshe jáne Ókiletti Elshisi.
Qazirgi qyzmetinde 2023 jylǵy tamyzdan bastap.
93 jyl buryn (1931-1976) aqıyq aqyn, aýdarmashy, dramatýrg, Qazaqstan Memlekettik syılyǵynyń laýreaty, «Ǵasyr aqyny» ataǵynyń ıegeri Muqaǵalı MAQATAEV dúnıege keldi.
Almaty oblysy Raıymbek aýdanynda týǵan. M. Kırov atyndaǵy Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen.
1952-1969 jyldary Qarasaz bastaýysh mektebinde orys tiliniń muǵalimi, Qazaq radıosynyń dıktory, Shalkódede Qyzyl otaý meńgerýshisi, Narynqol aýdandyq «Sovettik shekara» (qazirgi «Hantáńiri») gazetiniń jaýapty hatshysy, «Sotsıalıstik Qazaqstan» (qazirgi «Egemen Qazaqstan») gazetinde, «Mádenıet jáne turmys» (qazirgi «Parasat»), «Juldyz» jýrnaldarynda ádebı qyzmetker, Jazýshylar odaǵy poezııa bóliminiń keńesshisi qyzmetterin atqarǵan. 1973-1974 jyldary Máskeýdegi Ádebıet jáne óner ınstıtýtynda oqyǵan.
Aqynnyń tyrnaqaldy týyndylary Narynqol aýdandyq «Sovettik shekara» gazetinde 1948 jyly jarııalanǵan. Onyń «Aq qaıyń áni», «Aqqýlar uıyqtaǵanda», «Arman», «Sholpan», «Raıymbek! Raıymbek!», «Qashqyn», «Motsart. Jan azasy» atty poema tolǵaýlary men 650-den astam lırıkalyq óleńderi bar. Ol qazaq óleńin mazmun, pishin jaǵynan túrlendirip, ıntonatsııa, ınversııa, mazmun turǵysynan jańalyq engizdi.
Muqaǵalı Maqataev poezııa janrynda ǵana emes, proza, drama, syn salasynda da qalam tartty. Onyń «Qosh, mahabbat» jınaǵyna ár jyldary jazylǵan «Qulpytas», «Marýsıanyń taýy», «Ózgermepti», «Áje» áńgimeleri, «Qos qarlyǵash», «Jyl qustary» povesteri men «Qosh mahabbat» pesasy, birneshe synı eńbegi engen.
Aýdarma salasynda Shekspırdiń sonetterin, Danteniń «Qudiretti komedııasyn», E. Evtýshenko, A. Akopıan, F. Morgýn, Ý. Ýıtmen, R. Berns, F. Ansarıdiń óleńderin tárjimalaǵan.
Onyń óleńderine Nurǵısa Tilendıev, Shámshi Qaldaıaqov, Beıbit Oraluly, Altynbek Qorazbaev taǵy basqa sazgerler án jazdy.
Almatyda aqyn atynda mektep, kóshe jáne sol kóshe boıynda eskertkishi bar. Týǵan aýyly Qarasazda murajaıy ashyldy. Qazaqstan Jazýshylar odaǵy 1985 jyldan beri úzdik ádebı shyǵarma avtorlaryna beriletin Muqaǵalı Maqataev atyndaǵy syılyq taǵaıyndaǵan.
71 jyl buryn (1953-2023) Memleket jáne qoǵam qaıratkeri Berdibek Máshbekuly SAPARBAEV dúnıege keldi.
Qyzylorda oblysy Jańaqorǵan aýdanynyń Besaryq aýylynda týǵan. 1977 jyly Almaty Halyq sharýashylyǵy ınstıtýtyn «Ekonomıka jáne materıaldyq-tehnıkalyq jabdyqtaý» mamandyǵy boıynsha bitirdi. Ekonomıka ǵylymdarynyń doktory, professor.
Eńbek jolyn 1969 jyly Qyzylorda oblysynyń Zadarınskıı sovhozynyń jumysshysy bolyp bastady. 1971-1973 jyldary áskerı qyzmetin ótkerdi. Instıtýtty bitirisimen 1977 jyly Respýblıkalyq memlekettik eńbek jınaqtaý kassalary (gostrýdsberkassy) basqarmasynda ekonomıst, 1977-1988 jyldary Qarjy mınıstrliginde ekonomıst, aǵa ekonomıst, jetekshi, bas ekonomıst, bólim bastyǵynyń orynbasary, 1988-1993 jyldary josparlaý-qarjy basqarmasynyń bastyǵy, Bas ekonomıka basqarmasynyń bastyǵy, Qazaqstan Respýblıkasy Bilim mınıstriniń orynbasary, 1993 jyly Prezıdent Apparaty bólimi men QR Mınıstrleri kabıneti meńgerýshisiniń orynbasary, 1994-1995 jyldary QR Mınıstrler kabıneti Іster basqarmasynyń Qarjy, eńbek jáne áleýmettik qorǵaý bólimi meńgerýshisiniń orynbasary jáne meńgerýshisi boldy. 1995 jyly QR Mınıstrler kabıneti Apparatynyń basshysy, 1995-1999 jyldary Qyzylorda oblysynyń ákimi, 1999-2002 jyldary Ońtústik Qazaqstan oblysynyń ákimi qyzmetterin atqardy.
2002-2006 jyldary QR Kedendik baqylaý agenttiginiń tóraǵasy, QR Qarjy vıtse-mınıstri — Kedendik baqylaý komıtetiniń tóraǵasy, 2006-2007 jyldary Premer-Mınıstr Keńsesi basshysynyń orynbasary — QR Parlamentindegi Úkimettiń Ókili, 2007 jyly QR Ekonomıka jáne bıýdjettik josparlaý vıtse-mınıstri, 2007 jyldyń tamyzynan QR Eńbek jáne halyqty áleýmettik qorǵaý mınıstri boldy. 2009-2014 jyldary — Shyǵys Qazaqstan oblysynyń ákimi. 2014-2015 jyldary QR Premer-Mınıstriniń orynbasary, 2015-2019 jyldary Aqtóbe oblysynyń ákimi, 2019 jyly QR Eńbek jáne halyqty áleýmettik qorǵaý mınıstri boldy. 2019-2020 jyldary QR Premer-mınıstriniń orynbasary, 2020-2022 jyldary Jambyl oblysynyń ákimi qyzmetinde boldy.
2023 jyly qaıtys boldy.
