9 aqpan kúni bolatyn mańyzdy oqıǵalarǵa sholý
ASTANA. QazAqparat - «QazAqparat» halyqaralyq aqparat agenttigi 9 aqpan kúni bolatyn mańyzdy oqıǵalarǵa sholý jasaıdy.
Astanada saǵat 10:00-de «Úkimet úıinde» QR Úkimetiniń keńeıtilgen otyrysy ótedi.
Saǵat 10:00-de «Jer taǵdyry» qoǵamdyq birlestigi «Qazaqstan: Azamattyq qoǵamnyń quqyqtyq máseleleri men ony sheshý joldary» atty taqyrypty dóńgelek ústel ótkizedi.
Saǵat 14:30-da L.Gýmılev atyndaǵy Eýrazııalyq ulttyq ýnıversıtet ǵımaratynda jańa Salyq kodeksi túsindiriledi. Taqyryby: Salyq jáne kedendik zańnamalarǵa engizilgen ózgertýler men tolyqtyrýlarǵa sholý.
Saǵat 16:00-de Park Inn qonaq úıinde Qazaqstannyń kásibı fýtbol lıgasy QR Premer-lıgasyndaǵy fýtbol klýbtary arasynda jańa maýsymynyń kúntizbesin jasaý úshin jerebe tastaıdy.
Saǵat 16:30-da Koreı mádenıet ortalyǵynda Phenchhan-2018 qysqy Olımpıada oıyndarynyń ashylý saltanaty tikeleı efır arqyly kórsetiledi.
ALMATY
Saǵat 11:00-de Almaty aımaqtyq kommýnıkatsııalar ortalyǵynda «Tyrysqaq aýrýyn juqtyrý, taratýdyń aldyn alý» taqybyrynda baspasóz konferentsııasy ótedi.
Saǵat 15:00-de QR Ulttyq kitaphanasynda etnomádenı birlestik ókilderiniń qatysýymen Nursultan Nazarbaevtyń «Táýelsizdik dáýiri» atty kitaby talqylanady.
AQTÓBE
Saǵat 10: 00-de Marat Ospanov atyndaǵy Batys Qazaqstan memlekettik medıtsına ýnıversıtetiniń ǵımaratynda Elbasynyń «Bolashaqqa baǵdar: Rýhanı jańǵyrý» maqalasy aıasynda «Tarıhı tulǵalar taǵylymy» atty respýblıkalyq pikirsaıys týrnıri ótedi.
Saǵat 10: 00-de Aqtóbe oblystyq tótenshe jaǵdaılar departamenti bólimsheleriniń qyzmetkerleri Alǵa balalar úıiniń tárbıelenýshilerimen muz aıdynynda hokkeı jarysyn ótkizedi. Sonymen qatar, balalarǵa arnap Órt sóndirýshi-qutqarýshylar mýzeıine arnaıy ekskýrsııa uıymdastyrylady.
AQMOLA
15:00-de Aqmol aýylynda Tselınograd aýdanynyń ákimi Málgajdar Tátkeev 2017 jylǵy áleýmettik-ekonomıkalyq damýdyń qorytyndylaryn men 2018 jylǵa belgilengen mindetterin týraly turǵyndar aldynda esep beredi.
OQO
Saǵat 11:00-de Óńirlik kommýnıkatsııalar qyzmetinde oblystyq «Rýhanı jańǵyrý» jobalyq keńsesiniń ókilderi Elbasynyń maqalasy aıasynda 2017 jyly oblysta atqarylǵan jumystar men bıylǵy jyly júzege asatyn is-sharalar boıynsha baspasóz máslıhatyn ótkizedi.
