9 aqpan kúngi aýa raıy boljamy
NUR-SULTAN. QazAqparat – 9 aqpan kúni elimizdiń ońtústik jartysynda jaýyn-shashyn kútiledi, keı jerlerde jaýyn-shashyn (jańbyr, qar) qatty jaýady. Sondaı-aq tuman, kóktaıǵaq boljanady. Al elimizdiń soltústik jartysynda qar jaýady, jeldiń kúsheıýi, burqasyn saqtalady. Respýblıkanyń tek batysynda antıtsıklon jotasynyń áserinen jaýyn-shashynsyz aýa raıy qalyptasady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqmola, Soltústik Qazaqstan, Pavlodar, Shyǵys Qazaqstan oblystarynda jeldiń ekpini 23-28 m/s kúsheıip, burqasyn bolady. Shyǵys Qazaqstan oblysynyń joldarynda kóktaıǵaq kútiledi.
Qostanaı, Qaraǵandy, túnde Aqtóbe oblystarynyń keı jerlerinde jeldiń kúshi 15-23 m/s artyp, burqasyn bolady. Qaraǵandy oblysynda sondaı-aq tuman boljanady.
Almaty, Jambyl, Túrkistan oblystarynyń keı jerlerinde tuman, kóktaıǵaq bolady. Jeldiń jyldamdyǵy – 15-20 m/s. Jambyl oblysynda jeldiń ekpini 23-28 m/s artyp, jaıaý burqasyn júredi.
Qyzylorda oblysynda keı jerlerde tuman, kóktaıǵaq kútiledi. Mańǵystaý oblysynda keı jerlerde kóktaıǵaq, Batys Qazaqstan oblysynda tuman boljanady.
