9 aqpan. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

9 aqpan, JEKSENBІ

Halyqaralyq stomatologtar kúni. Aleksandrııada III ǵasyrda ómir súrgen Áýlıe Apollonııany eske alý qurmetine bekitilgen. Apollonııa - Hrıstosqa sengen kórnekti aleksandrlyq sheneýniktiń qyzy. Apollonııany hrıstıandyqtan bas tartýyn talap etip, qatań jazaǵa tartady. Apollonııa ólim aldynda shimirikpegen. Qınalýy men ójettigi sol kezdegi zamandastaryn qatty tolqytqan, keıin Apollonııa esimi estilse ne oǵan syıynsa - tis aýrýy qoıa salady degen ańyz shyqqan. Orys jazýshysy Fedor Dostoevskııdi eske alý kúni (1821-1881). Álem ádebıetine eleýli yqpal etken uly orys jazýshysy Fedor Mıhaılovıch Dostoevskııdi eske alý kúni. Ol qazaq ǵalymy Shoqan Ýálıhanovty asa joǵary baǵalap, dos tutqan. Sonymen birge «Jazýshy kúndeliginde» otar ulttardyń bolashaqtaǵy taǵdyry týraly qaıshylyqty pikirleri de bar. Qytaıdyń Jańa jyly nemese Kóktem merekesi. Qytaı Jańa jyly nemese aı kúntizbesi boıynsha Jańa jyl - Kóktem merekesi ol qysqy maýsymnyń sońynda búkil elde úsh kún boıy atalyp ótiledi. Kóktem merekesi kúnderinde jappaı oıyn-saýyq bastalady.

ESTE QALAR OQIǴALAR

89 jyl buryn (1925) Qazaqstan astanasy Orynbordan Qyzylordaǵa kóshirildi. 79 jyl buryn (1935) Qazaq ASSR Ortalyq Atqarý komıteti tóralqasy Respýblıkanyń negizgi ultynyń ataýyn orys tilinde «kazahı», al respýblıka ataýyn «Kazahstan» dep jazý jóninde qaýly etti. Munan buryn «kazakı», «Kazakstan» dep jazylatyn. 29 jyl buryn (1985) Qazaqstan jazýshylar odaǵy Muqaǵalı Maqataev atyndaǵy syılyqty bekitti. 21 jyl buryn (1993) Qazaqstan Respýblıkasy men Iordan Hashımıt Koroldigi arasynda dıplomatııalyq qarym-qatynas ornatý týraly hattamaǵa qol qoıyldy. 20 jyl buryn (1994) QR Prezıdenti Nursultan Nazarbaevtyń «Qazaqstan Respýblıkasy Ulttyq ǵylym akademııasynyń mártebesin jáne ǵalymdardy memlekettik qoldaý sharalary týraly» Jarlyǵy jaryq kórdi. 14 jyl buryn (2000) Muqaǵalı Maqataevtyń «Amanat» tańdaýly óleńder jınaǵy Qazaqstan Respýblıkasynyń memlekettik syılyqtyń ıegeri atandy. 12 jyl buryn (2002) QR Prezıdenti Nursultan Nazarbaevtyń «Ákimshilik jáne mamandandyrylǵan aýdanaralyq ekonomıkalyq sottar qurý týraly» Jarlyǵy jaryq kórdi. 12 jyl buryn (2002) QR Prezıdenti Úndistanǵa resmı sapar jasady. Elbasy Nursultan Nazarbaevtyń osy sapary barysynda Delı qalasynda qazaqtyń uly aqyny Abaı Qunanbaıuly atyndaǵy kóshe ashyldy. 9 jyl buryn (2005) Almatyda Jambyl atyndaǵy qazaq memlekettik fılarmonııasynyń kontsert zalynda Baqytjan Baıqadamov atyndaǵy memlekettik hor kapellasynyń «Qysqy peızaj» atty kontserti ótti. Qazaqstan Respýblıkasynyń eńbek sińirgen qaıratkeri Beıimbet Demeýov jetekshilik etetin hor kapellasy Sydyq Muhamedjanovtyń Abaıdyń «Jyl mezgilderi» óleńderine jazylǵan «Qys» sıýıtasyn jáne N.Sedelnıkovtyń, V.Shebalınniń, G.Svırıdov pen K.Debıýssıdiń shyǵarmalaryn oryndady. 8 jyl buryn (2006) Qazaqstan Respýblıkasy Ulttyq akademııalyq kitaphanasynda Úndistandy zertteý ortalyǵy ashyldy. Ortalyqta Úndistan týraly tolyq aqparatty kitaptardan, aǵylshyn, orys, qazaq, jáne hındı tilindegi aýdıo- jáne beınekassetalardan alýǵa bolady, sonymen qatar úndi telebaǵdarlamalaryn kórýge bolady. 6 jyl buryn (2008) Semeıdegi №6 mektep-gımnazııanyń tarıhı-ólketaný murajaıy taǵy bir qyzyqty jádigermen tolyqty. Jas tarıhshylarǵa Gennadıı Tolmachevtiń «Oljas týraly sóz» bıografııalyq kitaby tartý etildi. 5 jyl buryn (2009) Qazaqstan Respýblıkasynyń Prezıdenti Nursultan Nazarbaev «Qazaqstan Respýblıkasynyń keıbir zańnamalyq aktilerine jergilikti memlekettik basqarý jáne ózin-ózi basqarý boıynsha ózgerister men tolyqtyrýlar engizý týraly» Zańǵa qol qoıdy. 4 jyl buryn (2010) Shoqan Ýálıhanov atyndaǵy Kókshetaý memlekettik ýnıersıtetinde óńirlik Dıssertatsııalyq keńestiń tusaýy kesildi. Jańadan uıymdastyrylǵan keńes quramyna Astana, Almaty, Pavlodar, Shymkent, Jezqazǵan, Oral, Tashkent qalalaryndaǵy joǵary oqý oryndarynyń belgili ǵalymdary engizildi. Keńestiń mańyzdy mindetteriniń biri oqý ornynda ǵylymı jumysqa jastardy keńinen tartý, kadrlyq múmkindikti arttyrý bolyp tabylady. 110 jyl buryn (1904) II Nıkolaı patshanyń Japonııamen soǵys týraly manıfesi jarııalandy. Osy soǵysta 500 myń orys soldaty qaza tapqan. Reseıdiń Tynyq muhıty boıyndaǵy floty túgel qırady. Reseıdiń turalaǵan ekonomıkasy AQSh pen Ulybrıtanııa qoldaǵan japon kúshine tótep bere almady. Eki memleket arasyndaǵy 1905-1907 jyldardaǵy soǵys alǵashqy orys tóńkerisine alyp keldi.

ESІMDER

111 jyl buryn (1903-1972) hımııa ǵylymynyń doktory, professor, Qazaqstan Ǵylym akademııasynyń akademıgi, Qazaqstannyń eńbek sińirgen ǵylym qaıratkeri KOZLOVSKII Mıhaıl Tıhonovıch dúnıege keldi. Odessa hımııa-tehnologııa ınstıtýtyn bitirgen. 1926-1939 jyldary - Odessa sot saraptamasy ınstıtýtynyń kishi, aǵa ǵylymı qyzmetkeri. 1939-1971 jyldary - Qazaq memlekettik ýnıversıtetiniń kafedra meńgerýshisi, dekany, ǵylymı jumystar jónindegi prorektory. Sonymen qatar 1964 jyldan Qazaqstan Ǵylym akademııasy tóralqasynyń múshesi jáne hımııa-tehnologııa ǵylymdary bólimshesiniń akademık-hatshysy bolǵan. ǵalymnyń negizgi ǵylymı-zertteý jumystary synap katodyn elektrolızde paıdalanýǵa, kúshála qosylystaryn synap katodynda totyqsyzdandyrýǵa arnalǵan. Ol synap jáne amalgama elektrodtaryn qospadaǵy metaldardy bir-birinen ajyratýǵa paıdalandy. 1950 jyldan amalgama hımııasy men amalgamalyq metallýrgııa degen jańa ǵylymı baǵyttardy zerttep, onyń negizin qalady. Keıin amalgamalyq metallýrgııa ádisi tazalyǵy joǵary metaldar alýǵa qoldanyldy. Bul jumystary óndiristik synaqtan ótip, Shymkent qorǵasyn zaýytyna engizildi. «Eńbek Qyzyl Tý», «Qurmet belgisi» ordenderimen, medaldarmen marapattalǵan. 89 jyl buryn (1925-1994) akter, Qazaqstannyń halyq ártisi KORNIENKO Vasılıı Fedorovıch dúnıege keldi. Uly Otan soǵysyna qatysýshy. Petropavl qalasynda týǵan. 1947-1972 jyldary Semeı, Óskemen oblystyq orys drama teatrlarynda qyzmet atqarǵan. 1972 jyldan - K.S.Stanıslavskıı atyndaǵy Qaraǵandy memlekettik orys drama teatrynyń akteri bolǵan. Teatr sahnalarynda Belýgın, Nıkolaı, Vojevatov, Neschastlıvtsev, Bessýdnyı (A.Ostrovskıı «Belýgınniń úılenýi», «Keshikken mahabbat», «Jasaýsyz qalyńdyq», «Orman», «Qarbalas oryn»), Aqan (Sh.Murtaza «Qara marjan»), Qarabaı (Ǵ.Músirepov «Qozy Kórpesh - Baıan sulý»), Egor Býlychev (M.Gorkıı «Egor Býlychev»), Borozdın (V.Rozov «Máńgi tiriler»), Rahmetov (A.Sholohov «Kóterilgen tyń») rólderin somdaǵan. 2-dárejeli Otan soǵysy ordenimen jáne medaldarmen marapattalǵan. 83 jyl buryn (1931-1976) aqyn, aýdarmashy, dramatýrg, Qazaqstannyń Memlekettik syılyǵynyń laýreaty, «Ǵasyr aqyny» ataǵynyń ıegeri MAQATAEV Muqaǵalı dúnıege keldi. Almaty oblysy Raıymbek aýdanynda týǵan. M.Kırov atyndaǵy Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıteti) bitirgen. 1952-1969 jyldary Qarasaz bastaýysh mektebinde orys tiliniń muǵalimi, Qazaq radıosynyń dıktory, Shalkódede Qyzyl otaý meńgerýshisi, Narynqol aýdandyq «Sovettik shekara» (qazirgi «Hantáńiri») gazetiniń jaýapty hatshysy, «Sotsıalıstik Qazaqstan» (qazirgi «Egemen Qazaqstan») gazetinde, «Mádenıet jáne turmys» (qazirgi «Parasat»), «Juldyz» jýrnaldarynda ádebı qyzmetker, Jazýshylar odaǵy poezııa bóliminiń keńesshisi qyzmetterin atqarǵan. 1973-1974 jyldary Máskeýdegi Ádebıet jáne óner ınstıtýtynda oqyǵan. Aqynnyń tyrnaqaldy týyndylary Narynqol aýdandyq «Sovettik shekara» gazetinde 1948 jyly jarııalanǵan. Onyń «Aq qaıyń áni», «Aqqýlar uıyqtaǵanda», «Arman», «Sholpan», «Raıymbek! Raıymbek!», «Qashqyn», «Motsart. Jan azasy» atty poema tolǵaýlary men 650-den astam lırıkalyq óleńderi bar. Ol qazaq óleńin mazmun, pishin jaǵynan túrlendirip, ıntonatsııa, ınversııa, mazmun turǵysynan jańalyq engizdi. Muqaǵalı Maqataev poezııa janrynda ǵana emes, proza, drama, syn salasynda da qalam tartty. Onyń «Qosh, mahabbat» jınaǵyna ár jyldar jazylǵan «Qulpytas», «Marýsıanyń taýy», «Ózgermepti», «Áje» áńgimeleri, «Qos qarlyǵash», «Jyl qustary» povesteri men «Qosh mahabbat» pesasy, birneshe synı eńbekteri engen. Aýdarma salasynda Shekspırdiń sonetterin, Danteniń «Qudiretti komedııasyn», E.Evtýshenko, A.Akopıan, F.Morgýn, Ý.Ýıtmen, R.Berns, F.Ansarıdiń óleńderin tárjimalaǵan. Onyń óleńderine Nurǵısa Tilendıev, Shámshi Qaldaıaqov, Beıbit Oraluly, Altynbek Qorazbaev taǵy basqa sazgerler án jazdy. Almatyda aqyn atynda mektep, kóshe jáne sol kóshe boıynda eskertkishi bar. Týǵan aýyly Qarasazda murajaıy ashyldy. Qazaqstan Jazýshylar odaǵy 1985 jyldan beri úzdik ádebı shyǵarma avtorlaryna beriletin Muqaǵalı Maqataev atyndaǵy syılyq taǵaıyndaǵan. 79 jyl buryn (1935) ánshi, Qazaqstannyń halyq ártisi VOINAROVSKAıA Nına Ivanovna dúnıege keldi. Reseı Federatsııasynyń Habarovsk qalasynda týǵan. 1973 jyldan Qaraǵandy mýzykalyq komedııa teatrynda jeke daýystaǵy ánshi bolyp qyzmet atqarǵan. Ánshiniń oryndaýyndaǵy tańdaýly partııalar qatarynda Markıza (I.Dýnaevskııdiń «Erkin jelinde»), Manefa men Báıbishe (A.Isakovanyń «Baıqońyr», «Aldar Kósesinde»), Dına apaı (K.Lıstovtyń «Sevastopol valsinde»), Adel (I.Shtraýstyń «Jarqanatynda») bar. 75 jyl buryn (1939) tehnıka ǵylymynyń doktory, professor TÁJІBAI Sanatbek dúnıege keldi. Jambyl oblysynyń Jýaly aýdanynda týǵan. Máskeý ınjener-qurylys ınstıtýtyn, Máskeý elektrondyq mashına jasaý ınstıtýtynyń aspırantýrasyn bitirgen. Qazaq polıtehnıkalyq ınstıtýtynda aǵa oqytýshy, dotsent, kafedra meńgerýshisi, dekan qyzmetterin atqardy. S.Tájibaıdyń ǵylymı eńbekteri mashına jasaý ónerkásibiniń máselelerine arnalǵan. Ol mehanızmder men mashınalardyń ǵaryshta jumys isteý qabilettiligin zerttedi. Osy zertteý nátıjeleri Aı betinde erkin qozǵalǵan «Lýnohod» apparatynyń ishpekterin (podshıpnıkterin) jasaýǵa negiz boldy. Ǵalymnyń 120 ǵylymı maqalasy, 8 oqý quraly, 1 monografııasy, «Mashına bólshekteri», «Qoldanbaly mehanıka» atty kitaptary jaryq kórgen. 61 jyl buryn (1953) Shyǵys Qazaqstan oblysynyń ákimi SAPARBAEV Berdibek Máshbekuly dúnıege keldi. Qyzylorda oblysynyń Jańaqorǵan aýdanynyń Besaryq aýylynyń týmasy, bilimi joǵary. 1977 jyly jyly Almaty Halyq sharýashylyǵy ınstıtýtyn «Ekonomıka jáne materıaldyq-tehnıkalyq jabdyqtaý» mamandyǵy boıynsha bitirdi. Ekonomıka ǵylymdarynyń doktory, professor. Eńbek jolyn Qyzylorda oblysynyń Zadarınskıı sovhozynyń jumysshysynan bastady (1969-1971 j.j.); áskerı qyzmetin ótkerdi (1971-1973 jj.). Instıtýtty bitirisimen Respýblıkalyq memlekettik eńbek jınaqtaý kassalary (gostrýdsberkassy) basqarmasynda ekonomıst (1977 j.); QazSRO Qarjymıninde ekonomıst, aǵa ekonomıst, jetekshi, bas ekonomıst, bólim bastyǵynyń orynbasary (1977-1988 jj.); josparlaý-qarjy basqarmasynyń bastyǵy, Bas ekonomıka basqarmasynyń bastyǵy, Qazaqstan Respýblıkasy Bilim mınıstriniń orynbasary (1988-1993 jj.); Prezıdent Apparaty Bólimi men Qazaqstan Respýblıkasy Mınıstrleri kabıneti meńgerýshisiniń orynbasary (1993 j.); Qazaqstan Respýblıkasy Mınıstrleri kabınetiniń Іster basqarmasynyń Qarjy, eńbek jáne áleýmettik qorǵaý bólimi meńgerýshisiniń orynbasary jáne meńgerýshisi (1994-1995 jj.) boldy. Qazaqstan Respýblıkasy Mınıstrleri kabıneti Apparatynyń basshysy (1995 j.); Qyzylorda oblysynyń ákimi (1995-1999 jj.); Ońtústik-Qazaqstan oblysynyń ákimi (1999-2002 jj.) qyzmetterin atqardy; Qazaqstan Respýblıkasy Kedendik baqylaý agenttiginiń tóraǵasy, Qazaqstan Respýblıkasy Qarjy mınıstrliginiń Vıtse-Mınıstri - Kedendik baqylaý komıtetiniń tóraǵasy (2002 j.- 2006 j.); Premer-Mınıstr Keńsesi Basshysynyń orynbasary - Qazaqstan Respýblıkasy Parlamentindegi Úkimettiń Ókili (2006 j. - 2007 j.); Qazaqstan Respýblıkasynyń Ekonomıka jáne bıýdjettik josparlaý Vıtse-mınıstri (2007 jyldyń 9 aqpany - 2007 jyldyń 27 tamyzy). 2007 jyldyń 27 tamyzynan bastap Qazaqstan Respýblıkasynyń Eńbek jáne halyqty áleýmettik qorǵaý mınıstri laýazymynda bolǵan. «Qurmet» ordenimen (1999 j.), «Astana» (1998 j.), «Qazaqstan Respýblıkasynyń táýelsizdigine 10 jyl» (2001 j.), «Qazaqstan Respýblıkasynyń Konstıtýtsııasyna 10 jyl» (2005 j.) medaldarymen marapattalǵan.

59 jyl buryn (1955) V shaqyrylǵan QR Parlamenti Májilisiniń depýtaty, Agrarlyq máseleler komıtetiniń múshesi KADRALIEVA Svetlana Haıdarqyzy dúnıege keldi.

1955 jyly Omby qalasynda týǵan, Reseı Federatsııasy. Qaraǵandy kooperatıvtik ınstıtýtyn bitirgen, ekonomıst. 1977 - 1983 jj. - «Kooperator» dúkeniniń ekonomısi, taýar mamany, dırektory; 1983 - 1984 jj. - № 34 sharýshylyq esep dúkeniniń taýar mamany; 1984 - 1992 jj. - «Zarıa» kóterme - bólshek saýda birlestiginiń taýar mamany, dırektorynyń orynbasary; 1992 - 1996 jj. - Syrtqy ekonomıkalyq baılanys mınıstirligi janyndaǵy saýda úıiniń jetekshi mamany, bas dırektory; 1996 - 1998 jj. - «Bereke» Memlekettik Aktsıonerlik Kompanııasynyń et-sút saýdasy mamany, prezıdenti. 1993 jyly «Torgovyı dom Kazros» JShS Kompanııasyn qurdy. 2013 jylǵy maýsymnan bastap - qazirgi qyzmette.

2009 jylǵy 4 naýryzda Shyǵys Qazaqstan oblysynyń ákimi bolyp taǵaıyndaldy. 56 jyl buryn (1958) aqyn, Qazaqstan Jazýshylar odaǵynyń múshesi, Halyqaralyq «Alash» ádebı syılyǵynyń laýreaty, Túrkııanyń Sapansha qalasynda ótken halyqaralyq jyr merekesiniń «Aqsham juldyzy» arnaıy syılyǵynyń ıegeri JAILYBAI Ǵalym dúnıege keldi. Qaraǵandy oblysynyń Jańaarqa aýdanynda týǵan. Qazaq menedjment, ekonomıka jáne boljaý ınstıtýtyn bitirgen. Qazaqstan Respýblıkasy Syrtqy ister mınıstrliginde, túrli basylymdarda qyzmet atqarǵan. Aqynnyń «Janymnyń japyraqtary», «Júregimniń juldyzy», «Qus qanaty» atty jyr jınaqtary jaryq kórgen. Shyǵarmalary orys, ýkraın, túrik, qyrǵyz, t.b. tilderge aýdarylǵan. 53 jyl buryn (1961) Qazaqstan Respýblıkasy Qarjy mınıstrligi Kedendik baqylaý komıtetiniń tóraǵasy ÁMІRIN Ǵusman Kárimuly dúnıege keldi. Torǵaı oblysy (Aqmola oblysy) Jaqsy aýdanynda týǵan. Ybyraı Altynsarın atyndaǵy Arqalyq pedagogıkalyq ınstıtýtyn, F.Dzerjınskıı atyndaǵy KSRO Ulttyq qaýipsizdik komıtetiniń Joǵary mektebin bitirgen. Eńbek jolyn 1982 jyly Torǵaı oblystyq bilim bóliminiń ınspektory bolyp bastaǵan. 1982-1984 jyldary Keńes Armııasy qatarynda bolǵan. 1984-1985 jyldary - Torǵaı oblystyq muǵalimderdiń bilimin jetildirý ınstıtýtynyń fızıka kabınetiniń meńgerýshisi. 1985-1987 jyldary - F.Dzerjınskıı atyndaǵy KSRO Ulttyq qaýipsizdik komıtetiniń Joǵary mektebiniń tyńdaýshysy. 1987-1993 jyldary Qazaqstan Respýblıkasy Ulttyq (Memlekettik) qaýipsizdik komıtetterinde qyzmetter atqarǵan. 1993-1995 jyldary - Qazaqstandaǵy «Renault» men «Sodechanges» fırmalary ókildikteriniń dırektory, dırektordyń orynbasary. 1995-1996 jyldary - «Aldos» kompanııasy» JShS-niń atqarýshy dırektory. 1996-1997 jyldary - Qazaqstan Respýblıkasy Prezıdenti janyndaǵy Joǵary ekonomıkalyq keńesi hatshylyǵynyń sektor meńgerýshisi. 1997-1999 jyldary - Qazaqstan Respýblıkasy Strategııalyq josparlaý agenttigi Strategııalyq josparlaý departamentiniń dırektory, Qazaqstan Respýblıkasy Strategııalyq josparlaýjáne reformalar agenttiginiń Strategııalyq taldaý departamentiniń dırektory, bıýdjettik baǵdarlamalar departamentiniń dırektory. 1999-2001 jyldary - Qazaqstan Respýblıkasy Qorǵanys mınıstriniń ekonomıka jáne qarjy jónindegi orynbasary, Qazaqstan Respýblıkasy Qaýipsizdik Keńesi hatshysynyń orynbasary. 2001-2003 jyldary - Qazaqstan Respýblıkasy Qorǵanys mınıstriniń ekonomıka jáne qarjy jónindegi orynbasary, Qazaqstan Respýblıkasy Indýstrııa jáne saýda mınıstriniń birinshi orynbasary. 2003-2004 jyldary - «Tehnologııa transfert jáne ınjınırıng ortalyǵy» AQ («Samuryq-Qazyna» Ulttyq ál-aýqat qory AQ) prezıdenti, Qazaqstan Respýblıkasy Indýstrııa jáne saýda mınıstriniń birinshi orynbasary. 2004-2006 jyldary - «Ulttyq Innovatsıalyq qory» AQ basqarmasynyń tóraǵasy. 2006-2007 jyldary - «Qazyna» ál-aýqat qory» AQ basqarmasynyń tóraǵasynyń keńesshisi. 2007-2009 jyldary - «Kishi kásipkerlikti damytý qory» («Damý» kásipkerlikti damytý qory» AQ) AQ basqarmasynyń tóraǵasy. 2009-2010 jyldary - «Samuryq-Qazyna» jyljymaıtyn múlik qory» AQ Basqarmasynyń bastyǵy qyzmetterin atqarǵan. 2010 jyldan - 2013 jylǵa deıin Ulttyq qaýipsizdik komıteti tóraǵasynyń orynbasary boldy. 2013 jyldan bastap - qazirgi qyzmetinde. Medaldarmen marapattalǵan.

45 jyl buryn (1969) Memlekettik tildi damytý qorynyń basshysy ShÁÝEEV Azat Sádmetuly dúnıege keldi. 1969 jylǵy 9 aqpanda Jambyl oblysy Lýgovoe aýdanynda dúnıege kelgen. 1994 jyly Abaı atyndaǵy Almaty memlekettik ýnıversıtetiniń fılologııa fakýltetin bitirgen. Eńbek joly: 1994 - 1995 - Almaty oblystyq Ákimshiliginiń Mádenıet basqarmasy Halyq shyǵarmashylyǵy Ortalyǵynyń Bas mamany; 1995 - 1996 - Almaty qalalyq Ákimshiligi Til basqarmasynyń Onomastıka, termınologııa jáne til mádenıeti bóliminiń Bas mamany;1996 - 1997 - Almaty qalasy Ákimi Orynbasarynyń kómekshisi; 1997 - 2001 - Almaty qalasy Ákimshiligi Іshki saıasat bóliminiń Bas mamany; 2001 - 2002 - Almaty qalalyq Іshki saıasat departamenti Qoǵamdyq-saıası bóliminiń meńgerýshisi;2002 - 2003 - Almaty qalasy Ákimshiliginiń Qazaqstan halyqtary Assambleıasymen jumys bóliminiń meńgerýshisi; 2003 - 2005 - QR Premer-Mınıstri Kantselıarııasy Áleýmettik-mádenı damý bóliminiń Bas sarapshysy; 2005 - 2008 - «Nur Otan» HDP Ortalyq Apparaty Aqparattyq-taldaý bóliminiń meńgerýshisi; 2008 - QR Mádenıet jáne Aqparat Vıtse-mınıstriniń Keńesshisi; 2008 - 2010 - Memlekettik tildi damytý qory Dırektorynyń Birinshi orynbasary; 2010 jyldyń qańtarynan - Memlekettik tildi damytý qory Dırektorynyń mindetin atqarýshy; 2010 jyldyń sáýirinen - qazirgi qyzmette.

573 jyl buryn (1441-1501) ózbek aqyny, oıshyly jáne memleket qaıratkeri NAÝAI Álisher dúnıege keldi.

168 jyl buryn (1846-1929) nemis avıakonstrýktory jáne kásipkeri MAIBAH Aýgýst Vılgelm dúnıege keldi.