«9-20-25» turǵyn úı baǵdarlamasy jalǵasyn tabady – Nurlan Baıbazarov

ASTANA. KAZINFORM – Ulttyq ekonomıka mınıstri Nurlan Baıbazarov «9-20-25» turǵyn úı baǵdarlamasynyń uzaq jyl boıy júrgiziletinin aıtty. 

«9-20-25» turǵyn úı baǵdarlamasy 1 naýryzda bastaldy. Alǵashqy kúni birneshe myń ótinim tústi. «Otbasy banki» belsendi jumys istep jatyr. Mamyrda alǵashqy ótinimder maquldanyp, baǵdarlama tolyq iske qosylady. Kólemge keletin bolsaq, turǵyn úı baǵdarlamasy bir jyldyq emes, uzaq jyldarǵa sozylady. «Báıterek» holdıngi óz qarajaty jáne tartylǵan qarajat esebinen bul baǵdarlamany odan ári qoldaýdy josparlap otyr. Men bul salaǵa áli de ınvestıtsııa salýǵa bolatynyna kelisemin», - dedi Nurlan Bazarbaev Úkimet otyrysynan keıin ótken baspasóz máslıhatynda.

Sondaı-aq mınıstr atalǵan jumys «Báıterek» holdıngimen pysyqtalatynyn aıtty.