9-11 synyp oqýshylaryna «Almaty» telearnasynan matematıka sabaqtary kórsetiledi
ALMATY. QazAqparat – «Almaty» telearnasynda 9-11 synyp mektep túlekteri úshin baǵdarlamalyq materıaldy sapaly ıgerý maqsatynda jaratylystaný, matematıkalyq baǵyttaǵy sabaqtar kórsetiledi. Bul týraly qalalyq bilim basqarmasynyń basshysy Lázzat Jylqybaeva aıtty, dep habarlaıdy QazAqparat tilshisi.
«IV toqsannyń basynan bastap birinshi synyptan 11 synypqa deıingi oqýshylarǵa aptasyna 5 kún «Balapan» jáne «Elarna» telearnalarynda sabaqtar kórsetiledi. Sonymen qatar, «Almaty» telearnasynda 9-11 synyp mektep túlekteri úshin baǵdarlamalyq materıaldy sapaly ıgerý maqsatynda jaratylystaný, matematıkalyq baǵyttaǵy sabaqtar kórsetiledi. Bul sabaqtar kún saıyn «Almaty» telearnasynda saǵat 11.00-13.00 aralyǵynda efırge shyǵyp otyrady. Sabaqty tájirbıeli muǵalimder eki tilde ótkizedi», - deıdi basqarma basshysy.
Búgin qalanyń barlyq mektepterinde synaq sabaǵy ótkizildi.
«Bul sabaqtyń negizgi maqsaty – júıeniń qalaı jumys isteıtinin bilý, olarmen baılanys ornatýǵa, testileýge, júıeniń jumysymen tanysýǵa daıyndyq. Erteń, 2 sáýir kúni ata-analar jınalysy ótedi. 3 sáýirde oqýshylarǵa synyp saǵattary júrgiziledi», - dedi ol.
Buǵan deıin, Almaty qalasynyń ákimi muǵalimder men mektep oqýshylaryna 10 myńnan astam kompıýter bólingenin aıtqan bolatyn.
Sonymen qatar, almatylyq oqýshylar qashyqtan eki aýysymda oqıdy.
