9-11 qyrkúıekte Astana kósheleriniń qozǵalysy shekteledi
ASTANA. QazAqparat - Astana qalasy ІІD baspasóz qyzmeti aldaǵy kúnderi qaladaǵy birneshe kóshelerdiń jartylaı shekteletindigin aıtty, dep habarlaıdy QazAqparat.
Astanada Islam yntymaqtastyq uıymynyń Ǵylym jáne tehnologııa boıynsha alǵashqy sammıtin ótkizý kezeńinde quqyqtyq tártip pen jol qaýipsizdigin qamtamasyz etý maqsatynda aǵymdaǵy jyly qyrkúıektiń 9-nan 11 aralyǵynda myna kólik magıstraldarynda: Qabanbaı batyr dańǵyly, Máńgilik El, Qonaeva, Dostyq kósheleri, Turan, Saryarqa, Abaı dańǵyldary, Kenesary kóshesi, Táýelsizdik dańǵyly, Uly Dala kóshesinde qozǵalys jartylaı shekteledi.
Joldaǵy keptelis jaǵdaılaryna tap bolmas úshin, elorda turǵyndary men qonaqtaryn aldyn ala ózindik marshrýtty josparlaýdy suraımyz.
