89 jastaǵy qarııa koronavırýstan jazylyp shyqty – Almaty oblysy

ALMATY OBLYSY. QazAqparat – Almaty oblysynda koronavırýstan 89 jastaǵy qarııa jazylyp shyqty. Bul týraly QazAqparat ákimdiktiń baspasóz qyzmetine silteme jasap habarlaıdy.

1931 jyly dúnıege kelgen Kegen aýdanynyń turǵyny Kúmishan Orazaqynova Shelek aýylyndaǵy aýdandyq aýrýhanada 4 mamyrdan bastap em qabyldaǵan. Atalǵan aýrýhananyń bas dárigeri Gúlnar Kýrametovanyń aıtýynsha, patsıent aýrýhanaǵa túsken kezde jaǵdaıy ortasha aýyrlyqta bolǵan.

«Aýrýhanaǵa túsken kezde patsıenttiń jas ereksheligin eskere otyryp, reanımatsııa bólimine ornalastyrdyq. Óıtkeni qan qysymynyń joǵary bolýy kez kelgen aýrýdy asqyndyrýy múmkin. Sondyqtan qatań baqylaýda ustadyq. Búgin patsıent koronavırýs ınfektsııasynan tolyq aıyǵyp shyqty,- dedi bas dáriger.