89 jastaǵy AQSh turǵyny Kılımandjaro shyńyna kóterilip, álemdik rekord ornatty
NUR-SULTAN. QazAqparat – AQSh turǵyny Enn Lorımor 89 jasynda eń bıik taý shyńdarynyń biri – Kılımandjarony baǵyndyryp, álemdik rekord ornatty, dep habarlaıdy QazAqparat ABC 15 telearnasyna silteme jasap.
Aıta keter bolsaq, budan birneshe jyl buryn zeınetker áıel osy taý shyńyna shyqqan edi. Biraq onyń rekordyn arada eki aı ótken soń ózgeler jańartty.
Sodan keıin Lorımor Kılımandjaroǵa qaıta shyǵýǵa bel býǵan.
Keıýana shyńǵa shyǵar aldynda qulap qalǵandyǵyn, odan ári júre almaı qalamyn ba dep qoryqqandyǵyn jasyrmady.
«Qabyrǵam qatty aýyrǵandyqtan, tereń tynys ala almadym. Men eger jetkilikti ottegini juta almasam alǵa júre almaıtynymdy sezindim»,- dep málim etti ol.
Degenmen Lorımor shyńǵa jete aldy. Onyń aıtýynsha, shyńdy baǵyndyrýǵa jáne qaıta túsýge toǵyz kún ketken.
