89 myń stýdentke jataqhanada oryn jetispeıdi
«Mınıstrlik jataqhanalardaǵy oryndarǵa qajettilik týraly derekterdi jańartý jumysyn júrgizdi. Búgingi tańda 28 joǵary oqý ornynda stýdentterdi jataqhanamen 100 paıyz qamtamasyz etedi dep aıta alamyz. Olar: Atyraý, Batys Qazaqstan, Qostanaı, Shyǵys Qazaqstan, Abaı, Aqtóbe, Ulytaý jáne Qyzylorda oblystary. Boljam boıynsha jańa oqý jylynda jataqhanaǵa muqtaj stýdentterdiń sany 89 myńnan asady. Bul rette eń úlken qajettilik Almaty jáne Nur-Sultan qalalarynda baıqalady. Atap aıtqanda, Almaty qalasynda - 37 myńnan astam, Nur-Sultan qalasynda - 14 myńnan astam oryn qajet», - dedi vıtse-mınıstr Ortalyq kommýnkatsııalar qyzmetindegi baspasóz máslıhatynda.
Onyń atap ótinshe, jataqhanalardaǵy oryn tapshylyǵy máselesin sheshý úshin 30 joǵary oqý orny qonaq úıler men hostelderdiń ıelerimen 16 819 tósek-oryndy jalǵa alý boıynsha shart pen memorandým jasady.
«Sonymen qatar, stýdent jastardyń ómir súrý jaǵdaıyn jaqsartý úshin 2018 jyldan bastap jańa jataqhanalar salynyp jatyr. Osy bastamany iske asyrý bastalǵannan beri joǵary oqý oryndarynda 20 700-den astam tósek-orynǵa arnalǵan 93 nysan, onyń ishinde 2022 jyly 1470 tósek-orynǵa arnalǵan 6 nysan paıdalanýǵa berildi», - dedi ol.
