88 jastaǵy nıgerııalyq qarııa mektep tabaldyryǵyn attady
ASTANA. Jeltoqsannyń 29-y. QazAqparat - Nıgerııalyq Ábýbakar Muhammad Barınjımı 88 jasynda alǵash ret mektep tabaldyryǵyn attap otyr.
Qarııa mektepke alǵash barǵanymen qoımaı, ǵylym kandıdaty atanýdan úmitti ekenin aıtýda. Bul týraly ITAR-TASS agenttigi habarlady.
Aqsaqaldy synyptaǵy balalar alǵash ret kórgende
biraz abyrjyǵan bolatyn. Degenmen, qarııa olarǵa tabandylyǵymen jáne yjdahattylyǵymen úlgi bolyp otyr. Qarııa eń joq degende, 120 jasqa deıin ómir súrip, din iliminen kandıdat ataǵyn alyp úlgergisi keledi. Qarııa eń aldymen, Quran Kárimdi oqyp úırenbek.
Sabaqtaryn daıyndaýǵa aqsaqalǵa onyń 8 balasy men 60 nemeresi kómektesýde. Qarııanyń týystary, turǵyndarynyń 30 paıyzy ǵana saýatty Nıgerııanyń soltústiginiń basqa da turǵyndary odan úlgi alady dep úmittenýde.
